Երևանում երկրորդ անգամ կանցկացվի պղպջակների տոն

«Մի սպասեք կատարյալ պահի, վերցրեք պահը և այն դարձրեք կատարյալ» խորագրի ներքո Երևանում ապրիլի 13-ին կանցկացվի պղպջակների տոն: Մասնակիցները պղպջակներ բաց թողնելու գործընթացը սկսելու են ժամը 15:00-ին «Կասկադ» համալիրի տարածքում:

Միջոցառմանը կարող է մասնակցել յուրաքանչյուր ցանկացող, ով իր հետ պետք է ունենա օճառի պղպջակներ և բարձր տրամադրություն:

Միջոցառման նախաձեռնողների համոզմամբ, անգամ առատ տեղումները չեն հետաձգի պղպջակների տոնը: Միջոցառմանը մասնակցելու համար որևէ տարիքային սահմանափակում չկա:

Երևանում պղպջակների տոն առաջին անգամ չի անցկացվում, այն իրականացվել է նաև 2013 թվականին: