Ջեյմս Ուորլիքն այս ամիս Հայաստանի և Ադրբեջանի նախագահների հանդիպման հույս է հայտնել
Արտաքին Քաղաքական
ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր միկրոբլոգում Հայաստանի և Ադրբեջանի նախագահների` մոտ ժամանակում հանդիպման հույս է հայտնել:
«Մենք հուսով ենք, որ Հայաստանի և Ադրբեջանի նախագահները կհանդիպեն այս ամիս: Միայն նրանք կարող են լուծել խաղաղությանը վերաբերող բարդագույն հարցերը»,-հայտարարել է համանախագահը:
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի նախկին հանդիպումը տեղի էր ունեցել անցյալ տարվա նոյեմբերի 19-ին Վիենայում:
Համանախագահները մարտի 10-ին Մոսկվայում հանդիպել են Ադրբեջանի արտաքին գործերի նախարար Էլմար Մամեդյարովի հետ, մարտի 11-ին նախատեսված է հանդիպում ՀՀ ԱԳՆ Էդվարդ Նալբանդյանի հետ:
Համանախագահ Ուորլիքը ևս մեկ գրառում է կատարել' նշելով. «Մտահոգություններ եմ լսել, որ մինչ ուշադրությունը սևեռված է Ուկրաինայի վրա, Հայաստանի և Ադրբեջանի միջև լարվածությունը կարող է սրվել: Ինչ եք կարծում' մենք իրո՞ք անհանգստանալու տեղ ունենք»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
