«Իսկ դուք «Բարգավաճ»-ից ինչո՞վ էիք պակաս, որ չմասնակցեցիք համայնքային ընտրություններին». Շարմազանովը` ՀԱԿ-ին
Քաղաքական
Մարտի 9-ին մի շարք մարզերում տեղի ունեցան համայնքային ընտրություններ, որտեղ Հանրապետականը հաղթեց 28 համայնքում, «Բարգավաճ Հայաստանը»՝ միայն 3, ՀՅԴ-ն՝ 1 համայնքում: Այս մասին Ազգային ժողովում հայտարարությունների ժամին ասաց ԱԺ փոխնախագահ Էդուարդ Շարմազանովը:
Այնուհետև Շարմազանովը հարց ուղղեց ՀԱԿ-ի գործընկերներին, ովքեր այդ պահին դահլիճում չէին: «Իսկ դուք «Բարգավաճ»-ից» ինչո՞վ էիք պակաս, որ չմասնակցեցիք համայնքային ընտրություններին»,- նշեց ԱԺ փոխնախագահը:
Էդուարդ Շարմազանովը նաև անդրադարձավ Մաքսային միության հետ ինտեգրացիոն գործընթացներին:
«Մաքսային միության հետ ինտեգրացիոն գործընթացները շարունակում են մնալ Հայաստանի արտաքին քաղաքականության առաջնահերթություններից մեկը:
Մի շարք կետերով ծրագիրը ոչ միայն կատարվում է, այլև ինչպես իրավացիորեն նշել է Եվրասիական տնտեսական հանձնաժողովի կոլեգիայի նախագահ Վիկտոր Խրիստենկոն, արդեն իսկ առաջանցիկ տեմպեր են արձանագրվել: Մաքսային միության գործընկերների գնահատմամբ` Հայաստանը կարող է Մաքսային միության անդամ դառնալ արդեն 2014 թվականին»,- ասաց Շարմազանովը:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
