«Ժողովուրդ». ԱԺ տեսախցիկները շարունակվում են տեղադրվել, բայց չեն միացվել համակարգին

Շուրջ մեկ ամիս է, ինչ ՀՀ Ազգային ժողովի շենքի տարածքում և անգամ միջանցքներում ինտենսիվ ձևով տեսախցիկներ են տեղադրվում: Նույնիսկ 1999-ի հոկտեմբերի 27-ի ոճրագործությունից հետո անվտանգության այսպիսի միջոցառումներ չէին իրականացվում:

Ու թեև արդեն տևական ժամանակ է, ինչ ԱԺ պատագամվորներն ու աշխատակիցներն ամեն կերպ խուսափում են զրուցել միջանցքներում, որպեսզի չնկարահանվեն», այնուամենայնիվ, «Ժողովուրդ»-ը պարզել է, որ ԱԺ անվտանգության համակարգը դեռ չի գործում, տեսախցիկները դեռ շարունակվում են տեղադրվել և չեն միացվել համակարգին:

ԱԺ աշխատակազմի ղեկավար Գուրգեն Դումանյանը «Ժողովուրդ»-ի հետ զրույցում ասաց. «Տեսախցիկների տեղադրման աշխատանքներն արդեն ավարտական փուլում են, մինչև մարտ ամսվա վերջը կավարտենք աշխատանքներն ու մեր անվտանգության նոր համակարգը կսկսի գործել»: Այսպիսով, մինչև մարտի վերջ ԱԺ-ում պատգամավորները կարող են հանգիստ շունչ քաշել:

Շարունակությունը` «Ժողովուրդ» օրաթերթի այսօրվա համարում: