Լուսանկարներ, որոնք ցնցել են ողջ համացանցը

Ֆոտոշոփ է սա, թե ոչ: Երբեմն դժվար է հավատալ աչքերին` նայելով այս կամ այն լուսանկարին, իսկ հետո պարզվում է, որ այն, ինչ տեղի է ունենում լուսանկարում, միանգամայն համապատասխանում է իրականությանը, քանզի մեր աշխարհն այնքան բազմազան է և զարմանալի:

Ներկայացնում ենք ձեզ մի քանի լուսանկար, որոնք տարբեր ժամանակաշրջաններում ցնցել են ողջ աշխարհն ու համացանցը:

1. Շնաձուկ, որը հետապնդում է լաստանավը

2005 թվականի սեպտեմբերին «Africa Geographic» ամսագրում հրապարակվեցին Հարավային Աֆրիկայի ափին գտնվող մեծ, սպիտակ շնաձկների նկարներ: Նրանց թվում էր նաև այս նկարը, որտեղ 4 մետր երկարությամբ շնաձուկը հետապնդում է նավակին:

2. Վարդագույն դելֆինը

2004 թվականի հունիսին համացանցում է հայտնվել վարդագույն ալբինոս դելֆինի նկարները, որը լողում էր լճի երկայնքով: Լուսանկարներն արվել են կապիտան Էրիկ Ռուի կողմից:

3. Պիթոնը, որը ջրից հանում է կենգուրուին

Այս յուրօրինակ լուսանկարը ցուցադրվել է 2005 թվականին Հյուսիսային Ավստրալիայում` ABC հեռուստաալիքի հաղորդաշարներից մեկի ընթացքում: Խոշոր պիթոնը փորձում է ջրից դուրս հանել կենգուրուի դիակը: Շատերը կարծում էին, որ այս լուսանկարում ոչ թե կենգուրու է, այլ՝ կով:

4. Ծառերը` ալյումինե գործարանի վթարից հետո

Հունգարիայի ալյումինե գործարանի անտառը վթարից հետո. նկարում հստակ երևում են վթարի արդյունքում «կարմիր ցեխի» մեջ կորած ծառերը:

5. Դեպի Նյու Յորքի «երկվորյակ» շենքերը թռչող ինքնաթիռը՝ 11.09.01

2001-ի սեպտեմբերի 11-ին ահաբեկիչները երկու ուղևորատար օդանավ ուղղեցին Նյու Յորքի համաշխարհային առևտրային կենտրոնի զույգ աշտարակների վրա: Այդ օրն առավոտյան, ըստ ամերիկյան հատուկ ծառայությունների, «Ալ-Քաիդա» ահաբեկչական խմբավորման 19 գրոհային 4 օդանավ էր առևանգել, որոնցից երկուսն ուղղել էր նյույորքյան Մանհեթենի հարավային հատվածում տեղակայված զույգ աշտարակների վրա: Երրորդ օդանավն ուղղվել էր դեպի Պենտագոն, իսկ չորրորդը' ընկել Փենսիլվանիա նահանգում, երբ օդանավի ուղևորներն ու անձնակազմը փորձել էին ահաբեկիչների ձեռքից խլել օդանավի կառավարումը:

6. Կոկորդիլոսը' եղջերուն բերանին. ԱՄՆ, Լուիզիանա

2004 թվականին համացանցում հայտնվեց կոկորդիլոսի լուսանկար, որը լողում էր Կրոսս լճի երկայնքով' բերանին եղջերուի դիակ:

7. Հրդեհ Բիտտերրուտի Ազգային այգում

2000 թվականին ԱՄՆ տեղի ունեցավ աղետալի հրդեհ: 2000 թվականի օգոստոս 6-ին, միևնույն ժամանակահատվածում Բիտտերրուտի Ազգային այգում բռնկվեց մի քանի հրդեհ: Հրշեջ Ջոն Մակկոլգան այդ ընթացքում հասցրեց անմահացնել «բնության հաշվեհարդարի» յուրօրինակ պատկերները:

8. Սև եղջերու

Հազվագյուտ սև եղջերուի լուսանկարը հայտնվել է համացանցում 2010 թվականին: Այս լուսանկարի հեղինակը Ռիչարդ Բուկուան է:

9. «Գույնզգույն երկվորյակներ»

2006 թվականի փետրվարին մի շարք բրիտանական թերթեր հայտնեցին իրենց ընթերցողներին տարբեր ռասսայական պատկանելություն ունեցող «Գույնզգույն երկվորյակներ» մասին: Նրանց ծնողները նույնպես ունեին տարբեր ռասսայական պատկանելություն: Նմանատիպ երկվորյակների ծնունդ աշխարհում չափազանց հազվադեպ է հանդիպում: Ըստ Daily Mail-ի` «Գույնզգույն երկվորյակներ» կարող են ունենալ միլիոնից մեկ ընտանիք:

10. Ընկերասեր շնաձուկը

2009 -ին լուսանկարիչ Մարկո Կերդալը Խաղաղ օվկիանոսի հարավային հատվածում ստեղծեց անհավատալի նկարներ: Սա Մարկոյի առավել հայտնի լուսանկարներից մեկն է: Նա հաջողությամբ ֆիքսել է պահը, երբ իր օգնականներից մեկը փորձեց սեղմել և ողջագուրվել հսկայական կետի հետ:

11. Հսկայական ալիքը մոտենում է ափին

Ճապոնիայում 2011 թվականին տեղի ունեցած ցունամիի ընթացքում ծովի ալիքի գեղեցիկ և սարսափելի խաղն է ներկայացնում այս լուսանկարը:

12. Այծերը պատնեշի վրա

2010 թվականի սեպտեմբերին, համացանցում հայտնվեցին մի շարք նկարներ, որտեղ ոչխարների հոտը «կախվել էր» Բուֆապո Բիլի պատնեշից, որը գտնվում է Վայոմինգի նահանգում: Բազմաթիվ բանավեճերի և քննարկումների արդյունքում պարզ դարձավ, որ այս ինքնատիպ միջոցով կենդանիները փորձում էին հագեցնել աղի պակասը՝ լիզելով աղեպատ քարերը:

13.Մերկ ծառը

Ողջ համացանցը ցնցվել է այս լուսանկարից: Հեղինակը պնդում է, որ կայծակն է հարվածվել ծառին և այն մերկացրել է՝ հանելով կեղևն ու տերևները: