Երևան-Գյումրի ճանապարհին տեղի ունեցած պատահարի հետևանքով վարորդը և ուղևորը մահացել են

Մարտի 11-ին, ժամը 16.10-ի սահմաններում, Երևան-Գյումրի ճանապարհի 69-րդ կմ-ին իրար են բախվել «Ֆոլքսվագեն Պասատ» և «ՎԱԶ-2106» մակնիշի ավտոմեքենաներ:

Պատահարի հետևանքով «ՎԱԶ-2106»-ի վարորդը' 1987 թ. ծնված Արամայիս Քանանյանը, և ուղևոր, 1960 թ. ծնված Սիլվա Գևորգյանը, տեղում մահացել են, իսկ 1957 թ. ծնված Ռուզաննա Ղազարյանը մարմնական վնասվածքներով տեղափոխվել է հիվանդանոց:

Ոստիկանության մամուլի ծառայությունից հայտնում են, որ կատարվում է քննություն: