Քաղաքագետն իրատեսական չի համարում, որ ԵՄ-ն պատժամիջոց կկիրառի Ռուսաստանի նկատմամբ

Ուկրաինայի առնչությամբ Ռուսաստանին սպառնացող Եվրամիության սանկցիաները իրական չեն, քանի որ սանկցիայի կիրառումը ոչ թե պատիժ է, այլ հավասարաչափ վնաս կողմերի համար: ԱՊՀ երկրների ինստիտուտի տնօրեն քաղաքագետը Ալեքսանդր Մարգարովի գնահատմամբ, ուկրաինական ճգնաժամը նպաստում է, որպեսզի պատժամիջոցների մասին հայտարարություններ հնչեն, սակայն այդ պատժամիջոցները կմնան միայն հռետորաբանության դաշտում եւ իրականություն չեն դառնա: «Արմենպրես»-ի հարցին ի պատասխան` Ալեքսանդր Մարգարովը նշեց, որ ավելի, քան երբեք այսօր Եվրամիությունն ու Ռուսաստանը փոխկապակցված են, եւ պատժամիջոցների կիրառումը կունենա հետադարձ էֆեկտ` ավելի մեծ վնաս հասցնելով Արեւմուտքին: «Եթե Եվրամիությունը պատրաստի սեւ ցուցակ եւ արգելի մի շարք մարդկանց մուտքը Եվրամիություն, դրանից Ռուսաստանը չի տուժի, կտուժեն մի խումբ չինովնիկներ: Արտաքին պարտքի առումով ԵՄ-ն չի կարող պատժամիջոցներ սահմանել, քանի որ արտաքին պարտքերը գրեթե հավասարաչափ են: Տնտեսական առումով խելագարություն կլինի Ռուս աստանի նկատմամբ պատժամիջոց կիրառել, քանի որ ԵՄ մի շարք պետություններ կախում ունեն ռուսական գազից: Բացի այդ, Գերմանիայում 100.000-ավոր մարդիկ ռուսական ուղղվածություն ունեցող կազմակերպություններում են աշխատում, եւ նման պատժամիջոցի սահմանումը լրջագույն վնաս կհասցնի տնտեսությանը»,- ասաց Մարգարովը' հավելելով, որ դիվանագիտական առումով պատժամիջոցների սահմանումը նույնպես իրատեսական չէ: «Այս առնչությամբ շատ տեղին է Ռուսաստանի նախկին վարչապետ Չեռնոմիրդինի հետեւյալ արտահայտությունը. «Կնոջը կոշիկների բարձր կրունկներով վախեցրին» Напугали женщину высокими каблуками»):

Եվրամիությունը սպառնացել էր պատժամիջոցներ կիրառել Ռուսաստանի դեմ` Ղրիմի հարցում Ուկրաինա ռազմական ուժեր մտցնելու դեպքում: Ուկրաինայում տեղի ունեցած «մայդանային» հեղաշրջումից հետո իրավիճակը շարունակում է թեժ մնալ: Արդեն մի քանի օր անհանգիստ է նաև Ղրիմի Ինքնավար Հանրապետությունում: Այդտեղ միաժամանակյա հանրահավաքներ են անցկացրել ռուսական ու արևմտյան ինտեգրման կողմնակիցները: ՌԴ Նախագահ Վլադիմիր Պուտինը մարտի 1-ին դիմել է Դաշնային Խորհրդին՝ ԶՈՒ-ն Ուկրաինայի տարածքում օգտագործելու հարցով և ստացել աջակցություն: Պուտինը հետագայում հայտարարել է, որ Ռուսաստանն Ու կրաինա զորք մտցնելու հնարավորություն ունի, բայց առայժմ անհրաժեշտություն չի տեսնում: Մարտի 16-ին Ղրիմում տեղի կունենա հանրաքվե, որն էլ կորոշի Ինքնավար Հանրապետության հետագա ճակատագիրը: