«Սպարտակը» չկարողացավ հաղթահարել 1/8 եզրափակչի արգելքը

Ռուսաստանի գավաթի խաղարկության 1/8 եզրափակչի շրջանակներում Մոսկվայի «Սպարտակը» հյուրընկալել էր «Տոսնոյին»:

Հանդիպման հիմնական ժամանակը ավարտվեց գոլազուրկ` ոչ ոքի: Արդյունքում` մրցավարը ավելացրեց լրացուցիչ 30 րոպե:

113-րդ րոպեին հանդիպման միակ և հաղթական գոլը հեղինակեց Ֆիլատովը: Արդյունքում` «Տոսնոն» դուրս եկավ հաջորդ փուլ: 

Նշենք, որ Հայաստանի հավաքականի ֆուտբոլիստներ Յուրա Մովսիսյանը և Արաս Օզբիլիսը մեկնարկային կազմում էին: Մովսիսյանը փոխարինվեց 71-րդ րոպեին: