Ավտոպատահարներ Հանրապետության ճանապարհներին

Հայաստանում մարտի 14-15-ը ճանապարհատրանսպորտային մի շարք պատահարներ են տեղի ունեցել: Մարտի 14-ին, ժամը 00.40-ին, հիվանդանոցից ոստիկանության Արաբկիրի բաժնում ահազանգ է ստացվել, որ ձախ ոտնաթաթի սալջարդով բուժօգնության է տեղափոխվել 35-ամյա Գեղամ Ս.-ն և հայտնել, որ Երևանի Հ. Քոչարի փողոցում անհայտ ավտոմեքենան անցել է իր ձախ ոտնաթաթի վրայով: Ձեռնարկվում են միջոցառումներ վարորդին և ավտոմեքենան հայտնաբերելու ուղղությամբ:

Ոստիկանները հայտնաբերել են վրաերթ կատարած վարորդին:

***

Մարտի 14-ին, ժամը 09.45-ին, անհայտ ավտոմեքենայի վարորդը Երևանի Տ.Պետրոսյան փողոցի թիվ 25/2 հասցեի դիմաց վրաերթի է ենթարկել 1984 թ. ծնված Քրիստինե Մ.-ին, որը մարմնական վնասվածքներով տեղափոխվել է հիվանդանոց: Ոստիկանության Դավիթաշենի բաժանմունքի ծառայողների կողմից ձեռնարկված միջոցառումների շնորհիվ' նույն օրը, ժամը 16.00-ին, բաժանմունք է ներկայացել 1983 թ. ծնված Լևոն Կ.-ն և հայտնել, որ «Մերսեդես» մակնիշի ավտոմեքենայով ինքն է կատարել վրաերթը:

Կատարվում է քննություն:

Վարորդը տուժողին տեղափոխել է հիվանդանոց, այնուհետև ներկայացել ոստիկանություն:

***

Մարտի 14-ին, ժամը 16.25-ի սահմաններում, 1977 թ. ծնված Արսեն Գ.-ն «Մերսեդես-Բենց» մակնիշի ավտոմեքենայով Գյումրի քաղաքի Շիրակացու փողոցում վրաերթի է ենթարկել 1995 թ. ծնված Սվետլանա Մ.-ին, նրան տեղափոխել հիվանդանոց, այնուհետև ներկայացել ոստիկանության Մուշի բաժին:
Կատարվում է քննություն:

«ՎԱԶ-2121»-ը Սարալանջի փողոցում բախվել է մետաղյա արգելապատնեշին:

***

Մարտի 14-ին, ժամը 14.30-ին, «ՎԱԶ-2121» մակնիշի ավտոմեքենան Երևանի Սարալանջի փողոցում բախվել է մետաղյա արգելապատնեշին, ինչի հետևանքով ուղևորը մարմնական վնասվածքներով տեղափոխվել է թիվ 1 համալսարանական հիվանդանոց:
Կատարվում է քննություն:

Վրաերթ Երևանի Աբովյան փողոցում:

***

Մարտի 14-ին, ժամը17.00-ին, «Մազդա» մակնիշի ավտոմեքենան Երևանի Աբովյան փողոցի թիվ 31 հասցեի դիմաց վրաերթի է ենթարկել 1972 թ. ծնված Սամվել Գ.-ին, որը մարմնական վնասվածքներով տեղափոխվել է թիվ 1 համալսարանական հիվանդանոց:

Կատարվում է քննություն: