Ուկրաինան պատրաստվում է հակահարվածի. Ուկրաինայի փոխվարչապետ

Ուկրաինայի նորանշանակ փոխվարչապետ Վիտալի Յարեման հույս ունի, որ պատերազմ չի սկսվի, բայց պատրաստվում են հակահարվածի, բոլոր հնարավոր միջոցներով: Այս մասին հայտնում է Украинкая правда-ն:

«Ղրիմում տեղի չեն ունենում լեգիտիմ իրավական գործողություններ: Այն, ինչ կոչվում է «հանրաքվե», դա Ռուսաստանի Դաշնության հատուկ ծրագրի զարգացման գործընթացն է, որի արդյունքներն արդեն հայտնի են մեզ: Ժամեր անց կհայտարարվի, որ Ղրիմը Ռուսաստանի Դաշնությանը միանալու օգտին քվեարկել է բնակչության ձայների 70-80 %-ը: Այս տվյալներն արդեն գրված են Մոսկվայում:  Ինչ վերաբերում է Ղրիմում մեր ռազմական գործողություններին, ապա եկեք հուսանք, որ սադրանքները  չեն իրագործվի մարդկային կյանքերի գնով և զենքի կիրառմամբ: Եթե զենք կիրառվի ուկրաինական զորքերի դեմ, նրանք կսկսեն պաշտպանվել:  Եվ մենք գործողություններ կձեռնարկենք փրկելու այն մարդկանց, ովքեր գտնվում են Ղրիմում և պաշտպանության կարիք ունեն»,-այս մասին հայտնել է Յարեման:

Ավելի վաղ Lifenews-ը հաղորդվել էր, որ այսօր Ուկրաինայի նոր իշխանությունները ռազմատեխնիկա են տեղակայում երկրի արևելյան սահմանների մոտ: