«Հրապարակ». «Դեմ եմ»-ի շարժմանն են միացել նաեւ դերասաններ

Երեկ «Դեմ եմ»-ի շարժմանն են միացել նաեւ դերասանները, որոնք ֆլեշմոբ են արել՝ ի նշան կենսաթոշակային պարտադիր վճարների դեմ բողոքի: «Մենք բեմադրել ենք անձրեւանոցներով պար, որոնցով պայքարում ենք օրենքի դեմ։ Մի պահ անձրեւանոցները մեր ձեռքին սուսեր են դառնում, որով մարտնչում ենք օրենքն ընդունողների դեմ, որից հետո ամբողջապես բացվում են՝ դառնալով երկինք, այսինքն, մենք հաղթում ենք»,- ասաց տիկնիկային եւ մնջախաղի թատրոնների դերասան Իննա Հախնազարյանը:

Դերասաններից Տաթև Մելքոնյանն էլ կարծում է, որ մարդիկ, որոնք կողմ են այդ օրենքին, չունեն սեփական կարծիք եւ չեն մտածում սեփական երկրի, երեխաների ապագայի մասին. «5% պարտադիր վճարը համարում եմ կողոպուտ եւ չեմ հավատում, թե տարիներ անց գումարները վերադարձվելու են մարդկանց»։ Իսկ Մանվել Խաչատրյանի պատառոտված անձրեւանոցն էլ խորհրդանշում էր այն երիտասարդի ապագան, որն այսօր կողմ է պարտադիրին:

Շարունակությունը` «Հրապարակ» օրաթերթի այսօրվա համարում: