«ՀԺ». Արա Աբրահամյանը` Ղրիմի հանրաքվեի և ի պաշտպանություն Պուտինի վարած քաղաքականության հանրահավաքի մասին

«ՀԺ»-ն զրուցել է Ռուսաստանի հայերի միության և Համաշխարհային հայկական կոնգրեսի նախագահ Արա Աբրահամյանը:

-Պարոն Աբրահամյան, երեկ Մոսկվայում հանրահավաք էր՝ ի պաշտպանություն Ղրիմում ՌԴ նախագահ Վլադիմիր Պուտինի վարած քաղաքականության, և այդ հանրահավաքի կազմակերպիչներից մեկն էլ դուք էիք։ Ինչո՞ւ եք պաշտպանում այդ քաղաքականությունը և որն է ձեր դիրքորոշումը այդ հարցում։

-Ես կազմակերպիչ չեմ, բայց ես կողնակից եմ մեր նախագահի քաղաքականությանը, որովհետև այդ քաղաքականությունն ավելի արդյունավետ ու օգտակար է Ռուսաստանում հայ համայնքի համար։ Ինչ մնում է Ուկրաինայի և Ռուսաստանիի հարաբերություններին, դա քաղաքական խնդիր է, հայերի միությունն ընդհանրապես չի զբաղվում քաղաքական խնդիրներով։

-Ասում եք՝ չի զբաղվում, բայց միևնույն ժամանակ Ղրիմի հարցով հանրաքվեի եք մասնակցում։

-Ռուսաստանի հայերի միության գործը, հայերի միության նախագահի գործը խաղաղությունն ու համերաշխությունն է Ուկրաինայի և Ռուսաստանի ժողովուրդների միջև։ Մեր գործն այն է, որ երկուսը միասին խաղաղ ձևով, բանակցությունների միջոցով բոլոր խնդիրները լուծեն։ Եթե բանակցությունները արդյունքներ չեն տվել, պետք է նորից սկսել։ Ինչ վերաբերում է Ղրիմին, դա Ղրիմի ժողովրդի իրավունքն է, և պետք է հարգել այդ հանրաքվեն և դրա արդյունքները։

-Ղրիմի հանրաքվեն ինչպե՞ս կարող է անդրադառնալ Ղարաբաղի հարցի վրա։

-Ինձ թվում է, սա շատ լավ օրինակ է, որ մենք ընդունենք Ղարաբաղի անկախությունը։ Եթե վաղը Ղարաբաղը ցանկանա մտնել Հայաստանի կազմ, մենք պետք է հարգենք այդ ընտրությունն էլ և անմիջապես ընդունենք Դա նորմալ երևույթ է։

Շարունակությունը` «Ժողովուրդ»-ի այսօրվա համարում: