Էդգար Մանուչարյանը` Ռուսաստանի առաջնության 21-րդ տուրի երկրորդ ամենաարդյունավետ ֆուտբոլիստ

Ռուսական Чемпионат.com կայքը Ռուսաստանի Պրեմիեր լիգայի հետ համատեղ քվեարկություն է անցկացրել` առաջնության 21-րդ տուրի ամենաարդյունավետ ֆուտբոլիստին (MVP) որոշելու համար:

Թեկնածուների ցանկում էին Էդգար Մանուչարյանը և Արաս Օզբիլիսը:

Քվեարկության արդյունքում հաղթող է ճանաչվել ԲԿՄԱ-ի ֆուտբոլիստ Միլանովը, իսկ Էդգար Մանուչարյանը երկրորդ հորիզոնականում է. վերջինիս օգտին քվեարկել է 678 մարդ (9%): Լավագույն տասնյակում է նաև Արաս Օզբիլիսը, ով  ստացել է հարցման մասնակիցների 7%-ի քվեն (540 մարդ):

Հիշեցնենք, որ 21-րդ տուրում Մանուչարյանը դուբլի հեղինակ է դարձել «Ուրալ»- «Թերեկ» հանդիպմանը: