Չինաստանը խոշորագույն փրկարար նավն է ուղարկել կորած մալայզիական Boeing-ը գտնելու համար

Չինաստանի «Հայսյուն-01» խոշորագույն որոնողական նավը գործի է դրվել «Մալայզիայի ավիաուղիներ» ավիաընկերության կորած Boeing 777-200-ը գտնելու համար: Այս մասին հայտնում է Սինհուա գործակալությանը:

«Մարտի 19-ի առավոտյան նավը կմտնի Սինգապուրի ջրեր, որտեղից ուղղություն կվերցնի դեպի Զոնդյան նեղուց՝ այնտեղ որոնողական գործողությանը մասնակցելու համար»,-մեջբերում է գործակալությունը Շանհայ քաղաքի օվկիանագրական վարչության ներկայացուցչի հայտարարությունը:

Նրա խոսքով՝ «Հայսյուն-01»-ը որոնողական գործողությանը պատրաստվելու հրաման է ստացել մարտի 17-ին: «Հայսյուն-01»-ն ունի ուղղաթիռ, ինչպես նաև ստորջրյա որոնումներ կատարելու համար նախատեսված ռոբոտ: Դա ՉԺՀ-ի առավել արդիական որոնողական նավերից մեկն է»,- նշել է նա:

Հիշեցնենք, որ ինքնաթիռի հետ կապը, որտեղ եղել են 227 ուղևոր և անձնակազմի 12 անդամ, կորել է մարտի 7-ին Մալայզիայի մայրաքաղաքից թռչելուց հետո մոտավորապես երկու ժամ անց: Ավիահանրանավի որոնման գործողությունը շարունակվում է: