«ՀՀ կառավարությունը ոչ միայն ակտիվ է գործում, այլ նաև ունի պրոֆեսիոնալ թիմ». Անդրանիկ Նիկողոսյան (տեսանյութ)

Կայացավ «21-րդ դարի Եվրասիան՝ խնդիրներ և հեռանկարներ» միջազգային կոնֆերանսը: ԱՊՀ երկրների երիտասարդական միության խորհրդի նախագահ Անդրանիկ Նիկողոսյանի կարծիքով` «21-րդ դարի Եվրասիան. խնդիրներ և հեռանկարներ» միջազգային կոնֆերանսը կարևոր իրադարձություն է հետխորհրդային երկրների հետագա երկխոսության համար: Նրա խոսքով՝ միջազգային նման մասշտաբի կոնֆերանս Հայստանում տեղի է ունենում առաջին անգամ: Գրում է slaq.am-ը:

«Հայաստանն ակտիվորեն սկսել է Եվրասիական ինտեգրացիոն գործընթացը, սակայն հայ հասարակությունը այնքան էլ տեղեկացված այդ ինտեգրացիոն ընտանիքի մասին, դա է կոնֆերանսի անցկացման հիմնական նպատակը»,-ասաց Անդրանիկ Նիկողոսյանը:

Նա նաև բարձր գնահատեց ՀՀ կառավարության աջակցությունը նման կոնֆերանսներին և ավելացրեց.

«ՀՀ կառավարությունը ոչ միայն ակտիվ է գործում, այլ նաև ունի պրոֆեսիոնալ թիմ, որը առաջնայինն է ԱՊՀ մյուս երկրներից»,- հավելելով, որ Հայաստանը մյուս պետությունների համեմատությամբ ավելի ակտիվ մասնակցություն է ունենում Եվրասիական ինտեգրացիոն գործընթացում:

Տեսանյութը` slaq.am-ի