Ընդդիմադիր խնջույք «Կալբասնոցում». slaq.am

Ղրիմում տեղի ունեցող զարգացումները ՀՀ լրատվական դաշտում մի տեսակ երկրորդ պլան եմ մղել երկրի ներսում տեղի ունեցող «կարևորագույն» իրադարձությունները: Գրում է slaq.am-ը:

Կայքի աղբյուրները փոխանցում են, որ կիրակի ՀԱԿԿ փոխնախագահ Լևոն Զուրաբյանն իր ծննդյան հերթական տարեդարձն է նշել, չզարմանաք, Արամուս գյուղի «Կալբասնոց» օբյեկտում: Ժողովրդի հետ և ժողովրդի համար «աշխատող» ընդդիմադիրը իր խնջույքը հատուկ կազմակերպել է քաղաքից դուրս, որպեսզի այդ նույն ժողովուրդը չտեսնի իրենց ճոխ կերուխումն ու ռեստորանի մոտ խմբված շքեղ ավտոմեքենաները: Իսկ թե ՀՀ որ մարզում է գտնվում Արամուս գյուղը, կարիք չկա պարզաբանելու: Ականատեսները նշում են, որ մոտ քառասուն հրավիրյալների թվում եղել է նաև Լևոն Տեր-Պետրոսյանը, ով, ինչպես հայտնի է, նման խնջույքների սիրահար չէ, բայց քանի որ խոսքն իր սիրելի «իրավահաջորդի» ծննդյան մասին է, նա իր ներկայությամբ փորձել է ընդգծված շեշտել այդ հանգամանքը: Կոնգրեսի պատգամավորներից խնջույքին բացակայել են Հրանտ Բագրատյանն ու Նիկոլ Փաշինյանը, սակայն դա զարմանալի չէ, քանզի նրանք Լևոն Զուրաբյանի «գծից» դուրս են, բայց ներկաների աչքից չի վրիպել Լևոն Զուրաբյանի «գծի մեջ» գտնվող Գագիկ Ջհանգիրյանի բացակայությունը, ով փաստորեն շեղվել է այդ «գծից»:

Շարունակությունն` այստեղ: