Մեկնարկել է «XXI-րդ դարի Եվրասիան. խնդիրներ և հեռանկարներ» միջազգային կոնֆերանսը (տեսանյութ)

Երևանում այսօր մեկնարկել է «XXI-րդ դարի Եվրասիան. խնդիրներ և հեռանկարներ» միջազգային կոնֆերանսը, որը կանցկացվի մարտի 18-20-ը: Միջոցառումը կազմակերպվել է ԱՊՀ երկրների երիտասարդական միության կողմից` Անդրանիկ Նիկողոսյանի աջակցությամբ և Ռուսաստանի Դաշնության Հասարակական պալատի օժանդակությամբ:

Կոնֆերանսին մասնակցում են փորձագետներ 8 երկրից՝ Հայաստանից, Ռուսաստանից, Բելառուսիայից, Ուկրաինայից, Ղազախստանից, Ղրղզստանից, Տաջիկստանից և Լատվիայից:

Կոնֆերանսի բացմանը ողջույնի խոսք էին հղել ՀՀ Ազգային ժողովի նախագահ Հովիկ Աբրահամյանը և ՀՀ վարչապետ Տիգրան Սարգսյանը:

Տիգրան Սարգսյանի ողջույնի խոսքում մասնավորապես ասված էր, որ Հայաստանը ԱՊՀ տարածքում սերտ կապերի և ինտեգրացիոն գործընթացներին մշտապես կողմնակից է եղել: «Մենք ողջունում ենք ԱՊՀ երկրների երիտասարդական միությանը, որ տալիս է հրաշալի հնարավորություն ստանալ մեզ հետաքրքրող հարցերի պատասխանները, որոնք վերաբերում են աշխարհի ինտեգրացիոն գործընթացներին, - ասված էր ողջույնի խոսքում:

ԱԺ նախագահ Հովիկ Աբրահամյանի ողջույնի խոսքում մասնավորապես ասված էր. «Ողջունում եմ կոնֆերանսի մասնակիցներին և կազմակերպիչներին: Ուրախ եմ այն փաստի համար, որ ավելի հաճախակի են դարձել հանդիպումները ԱՊՀ երկրների քաղաքական, մշակութային, գիտական ասպարեզի ներկայացուցիչների հետ, որի ընթացքում քննարկվում են երկրում տիրող տնտեսական խնդիրները ինչպես նաև անդրադարձ է կատարվում երկրի մշակութային և գիտական ասպարեզներին»: 

Աշխատանքները կազմակերպվել են չորս հիմնական հատվածներով` «Ինտեգրում», «Կրթություն և ռուսաց լեզու», «Տնտեսություն» և «Երիտասարդության հետ աշխատանք»: Կոնֆերանսը տեղի կունենա երեք կենտրոններում` Թեքեյանի անվան կենտրոնում, Հայաստանի Ազգային ժողովի շենքում գործող Հայ-ռուսական բարեկամական խորհրդարանական ակումբում և Ազգային գրադարանի կոնֆերանս – դահլիճում: