«Հրապարակ». Քաղաքական ուժերի վախը

Հայաստանյան քաղաքական ուժերը պատրաստ չեն բացել Ղրիմի հանրաքվեի պանդորայի արկղը եւ ասել` ինչ պետք է անի Հայաստանը, բացի լռելուց, եթե Ռուսաստանը «որոշի», որ ռազմավարական գործընկեր Հայաստանը պետք է «ճանաչի» հանրաքվեի արդյունքները: Երկու օրվա մեր հարցախույզն անցավ ապարդյուն. կարծիք չցանկացան հայտնել ՀՀԿ-ի բավականին թվով «պատասխանատուներ», ԲՀԿ-ն, որն անգամ Մաքսային միության մասին մինչ այժմ կարծիք չի հայտնել, եւ Իվետա Տոնոյանն էլ այլեւս չի պատասխանում հեռախոսազանգերին: Չցանկացան խոսել նաեւ Աշոտ Մանուչարյանը, Կիրո Մանոյանը:

Ռիչարդ Կիրակոսյանն ու Արա Պապյանը երկու օր է՝ անհասանելի են, ՀԱԿ-ից Աշոտ Սարգսյանը գտավ, որ ինքն այս պահին պատրաստ չէ այդ հարցին պատասխանել: Տպավորությունն այնպիսին էր, թե չեն ցանկանում «վատամարդ» լինել Ռուսաստանի նկատմամբ, որովհետեւ «խիստ ին սիրում նրան»: Չնայած «պաշտոնական» մեկնաբանությունը նման էր՝ «կարանք քշենք, բայց կխփենք պատին»: Երկրին վնաս տալը նկատի ունեին: Միակ կենդանի «շոֆերը», որ քչից-շատից պատասխանեց մեր հարցին, ԱԺ արտաքին հարցերի մշտական հանձնաժողովի նախագահ Արտակ Զաքարյանն էր. «Գործ ունենք մեկ պետության կողմից մեկ այլ պետության կազմ տեղափոխվելու սուվերեն որոշման հետ, ի դեպ, որն էլ համեմատելի չէ մյուս բոլոր համանման խնդիրների, մասնավորապես ղարաբաղյան խնդրի հետ»: Պիտի ճանաչե՞նք այն, թե՞ ոչ: «Այսքա՛նը»:

Շարունակությունը` «Հրապարակ» օրաթերթի այսօրվա համարում: