«Հրապարակ». Ղարաբաղի պրոռուսական վերաբերմունքը

Երկար շփոթից ու լռությունից հետո հայկական պաշտոնական մարմինները կամաց-կամաց սթափվում են եւ սկսում իրենց վերաբերմունքն արտահայտել Ուկրաինայի եւ Ղրիմի դեպքերի առիթով: Եթե հայաստանյան արձագանքը զգուշավոր է եւ միջազգային իրավունքի նորմերի շեշտադրումով, ապա հայկական երկրորդ պետության՝ Ղարաբաղի Հանրապետության վերաբերմունքը միանշանակ պրոռուսական էր. «Լեռնային Ղարաբաղի Հանրապետության Ազգային ժողովի խմբակցությունները ողջունում են Ղրիմի ժողովրդին` պատմական հնարավորությունն իրացնելու առթիվ»: Ավելին՝ երեկ Ղարաբաղում իսկական ցնծություն էր՝ հանրահավաք, 88-ի հուշեր, նորից արթնացած հույսեր, որ Ղարաբաղի հարցն էլ կլուծվի: Մի բան պարզ չէր՝ ի՞նչ ձեւով են պատկերացնում մեր հայրենակիցները ԼՂՀ հարցի լուծումը:

Մի՞թե ղրիմյան տարբերակն ընդունելի է նրանց համար, եւ այժմ արդեն ոչ միայն Հայաստանին «միացման» մասին չէ խոսքը, այլեւ անկախությունն էլ մղվել է հետին պլան, եւ նոր տեսլական է հայտնվել՝ մեծապետական հավակնություններ ունեցող Ռուսաստանի կազմում ծվարելու եւ նոր սովետական միության մեջ ամփոփվելու տեսքով: Մի՞թե Զորի Մագելանիչի նամակը հասել է նպատակակետին եւ իր սեւ գործն արել: Մի՞թե 20 եւ ավելի տարիների պայքարն ու զրկանքները սրա համար էին, որ Ղարաբաղը վերադառնա մինչ88-յան կարգավիճակին: Անգամ եթե ղարաբաղցիներն այսօր նկատի ունեն բացառապես իր հողի վրա ապրող մարդկանց կարծիքի գերակայությունը, այլ ոչ թե Ռուսաստանին միանալու Ղրիմի «ինքնորոշումը», ապա պետք է գիտակցել, որ ողջ քաղաքակիրթ աշխարհը չի ընդունում այդ ինքնորոշումը, եւ մենք կարող ենք հայտնվել զավթողական քաղաքականությունն արդարացնող փոքրամասնության ճամբարում ու մերժվել այդ աշխարհի կողմից:

Շարունակությունը` «Հրապարակ» օրաթերթի այսօրվա համարում: