«Ժողովուրդ». Վտանգավոր և անհանգստացնող իրավիճակ է ստեղծվել նաև Հայաստանի համար

2008թ. ապրիլի 29-ին ՀՀ ԱԳ նախարար Էդվարդ Նալբանդյանը հանդիպել է ՀՀ-ում ԱՄՆ նախկին ժամանակավոր հավատարմատար Ջոզեֆ Փենինգտոնին: Վերջինս խնդրել է մեկնաբանել ՀՀ դիրքորոշումը Վրաստանի ու Ռուսաստանի միջև աճող լարվածության շուրջ` մասնավորապես Աբխազիայի «սեպարատիստ» շրջանի հետ կապված: Գրում է «Ժողովուրդ»-ը:

«Վիկիլիքս»-ի հանրայնացրած հերթական փաստաթղթում ամերիկացի դիվանագետը ներկայացրել է Վրաստանի իրադրության, ինչպես նաև այդ երկրի նախկին նախագահ Միխայիլ Սահակաշվիլու վերաμերյալ ՀՀ ԱԳ նախարարի մեկնաբանությունները: Նալբանդյանը հայտնել է, որ Հայաստանը պատրաստ է անել ամեն ինչ ընթացող բանավեճից հեռու լինելու համար և հույս ունի, որ իրավիճակը շուտով հանդարտվելու է:

Նրա մեկնաբանությամբ՝ բավականին վտանգավոր և անհանգստացնող իրավիճակ է ստեղծվել նաև հենց Հայաստանի համար: Ապա ընդհատելով թեման, Նալբանդյանն ասել է, որ «անկեղծ խոսելու դեպքում, իր կարծիքով, ստեղծված ճգնաժամն առաջին հերթին Վրաստանի նախագահ Միխայիլ Սահակաշվիլիի մեղավորության պատճառով է»: Վերջինիս Նալբանդյանը մեղադրել է թշնամանքի կրակը վառ պահելու մեջ, ինչը ծառայում է որպես վրացական ազգայնականության զգացումների վրա խաղալու միջոց՝ վրացական խորհրդարանական ընտրություններին ընդառաջ:

Շարունակությունը՝ «Ժողովուրդ»-ի այսօրվա համարում։