«XXI-րդ դարի Եվրասիան. խնդիրներ և հեռանկարներ» (տեսանյութ)

Թեքեյան կենտրոնում այսօր աշխատանքները շարունակեց երեկ Երևանում մեկնարկած «XXI-րդ դարի Եվրասիան. խնդիրներ և հեռանկարներ» միջազգային կոնֆերանսը:

«Տնտեսություն» և «Աշխատանքը` երիտասարդների հետ». այս թեմաների շուրջ այսօր տեղի են ունեցել քննարկումներ:

Ելույթով հանդես եկավ «Ռուսական Գրքի Տուն» մշակութային կենտրոնների տնօրեն Արարատ Ստեփանյանը: Վերջինս իր ելույթում նշեց, որ 2011թ-ից Հայաստանում հաջողությամբ գործում է «Ռուսական Գրքի Տուն» մշակութային կենտրոնը, որի նպատակն է Հայաստանի բոլոր մարզերում տարածել ռուսաց լեզուն և ռուսական մշակույթը:

«Ծրագրի հեղինակը ԱՊՀ երկրների երիտասարդական միության խորհրդի նախագահ Անդրանիկ Նիկողոսյանն է: Առաջին «Ռուսական Գրքի Տուն» մշակութային կենտրոնը բացվել է 2011թ-ի հոկտեմբերի 7-ին Երևանում' Մաշտոցի 37 հասցեում' քաղաքի հենց կենտրոնում»,-իր խոսքում նշեց Արարատ Ստեփանյանը:

Հիշեցնենք, որ Երևանում մարտի 18-ին մեկնարկել է «XXI-րդ դարի Եվրասիան. խնդիրներ և հեռանկարներ» միջազգային կոնֆերանսը, որը կանցկացվի մարտի 18-20-ը: Միջոցառումը կազմակերպվել է ԱՊՀ երկրների երիտասարդական միության կողմից' Անդրանիկ Նիկողոսյանի աջակցությամբ և Ռուսաստանի Դաշնության Հասարակական պալատի օժանդակությամբ:

Կոնֆերանսին մասնակցում են փորձագետներ 8 երկրից՝ Հայաստանից, Ռուսաստանից, Բելառուսից, Ուկրաինայից, Ղազախստանից, Ղրղզստանից, Տաջիկստանից և Լատվիայից:

Աշխատանքները կազմակերպվել են չորս հիմնական հատվածներով' «Ինտեգրում», «Կրթություն և ռուսաց լեզու», «Տնտեսություն» և «Երիտասարդության հետ աշխատանք»: Կոնֆերանսը տեղի կունենա երեք կենտրոններում' Թեքեյանի անվան կենտրոնում, Հայաստանի Ազգային ժողովի շենքում գործող Հայ-ռուսական բարեկամական խորհրդարանական ակումբում և Ազգային գրադարանի կոնֆերանս – դահլիճում:

Առավել մանրամասն` Լուրեր.com-ի պատրաստած տեսանյութում: