«Բորուսիան» չցուցադրեց իր լավագույն ֆուտբոլը. Կել

Դորտմունդի «Բորուսիայի» կիսապաշտպան և ավագ Սեբաստիան Կելն անդրադարձել է Չեմպիոնների լիգայի 1/8 եզրափակչում «Զենիթի» դեմ պատասխան հանդիպմանը:

Հիշեցնենք, որ խաղն ավարտվել է ռուսական թիմի հաղթանակով` 2:1 հաշվով: Դորտմունդցիների միակ գոլն իր հաշվին գրանցել է Կելը:

«Մենք կարողացանք համոզվել այն բանում, որ «Բորուսիան» չցուցադրեց իր լավագույն ֆուտբոլը, սակայն գլխավորն այն է, որ անցանք հաջորդ փուլ: Նաև զայրացնում է այն, որ մեր երկրպագուների մոտ պահպանվել է բավականին մռայլ տրամադրություն»,-Կելի խոսքը մեջբերում է գերմանական մամուլը: