Ռեփեր Տիմատին հայր է դարձել (լուսանկար)

Ռեփեր Տիմատին դուստր է ունեցել: Սկանդալային ռեփերին 30 տարեկանում աղջիկ է պարգևել նրա ընկերուհին` մոդել Ալյոնա Շիշկովան: Այս մասին հայտնում է «Комсомольская правда»-ն:

Խոշոր բիզնեսմեն Տիմուր Յունուսովի որդին, որ ավելի հայտնի է Տիմատի բեմական անվամբ, երկար ժամանակ կյանքը վայելելուց հետո որոշել է հայր լինելու մեծ պատասխանատվությունը վերցնել իր վրա:

- Ահա և իմ հերթը հասավ, - գրել է երջանիկ հայրիկը Twitter միկրոբլոգում, - 4 կգ, 53 սմ, Ալիսա:

Տիմատին հրապարակել է անչափ հուզիչ լուսանկար, որտեղ գրկել է իր երեխային:

Երեխայի մայրը 21-ամյա մոդել, «Երկրորդ վիցե-միսս Ռուսաստան 2012» Ալյոնա Շիշկովան է: Հայտնի է դարձել, որ նա ծննդաբերել է Դոմինիկյան հանրապետությունում, և ապագա հայրիկն անձամբ է ներկա գտնվել իր երեխայի ծննդյան պրոցեսին: Որդու սիրելի ընկերուհուն աջակցել է նաև Տիմատիի մայրը` Սիմոնա Յակովլևնան:

Ալյոնայի հղիության մասին, ով հայտնի է տեղի բարձրաշխարհիկ հասարակությունում, ոչ ոք չգիտեր, թերևս, բացի Տիմատիից, քանի որ մոդելն ամեն կերպ թաքցրել է իր հղիությունը: Այդ պատճառով էլ հայտնիներից շատերի համար Տիմատիի հայր դառնալը մեծ անակնկալ էր:

Ի դեպ, դստեր անունը Տիմատին անձամբ է ընտրել: