«Հրապարակ». Համեմատությունն Իվանիշվիլու եւ Ծառուկյանի միջեւ տեղին է

Դուք ճի՞շտ եք համարում մոտեցումը, որ այլք ինչ-որ հայտարարություններ են անում, մասնավորապես՝ Իվանիշվիլի-Ծառուկյան զուգահեռներ անցկացնում, եւ դուք ստիպված եք լինում գտնել ընդհանրություններ, մի խոսքով, տանջալից վիճակում եք հայտնվում` հարցրինք ԲՀԿ պատգամավոր Ստեփան Մարգարյանին:

«Որեւէ տանջալից վիճակ չկա, շատ օբյեկտիվ գնահատական էր, իսկապես օբյեկտիվ` ուզեք, թե չուզեք»: Իվանիշվիլին իր երկիրը տարավ դեպի ՆԱՏՕ, տարավ դեպի Ասոցացման համաձայնագիր. հիմա ի՞նչ` Ծառուկյանը Հայաստանը կտանի՞ դեպի ՆԱՏՕ ու դեպի ԵՄ ասոցացում:

«Իվանիշվիլին չէր ընդդիմանում Վրաստանի արտաքին կուրսի դեմ, նա ընդդիմանում էր Սահակաշվիլու ավտորիտար համակարգի, տնտեսական, բիզնես-կանոնների դեմ. խոսքը եղել է Իվանիշվիլու պատմական դերակատարության մասին: Իվանիշվիլին այդ առումով ունեցել է որոշակի դերակատարում Վրաստանում, Ծառուկյանը կարող է ունենալ Հայաստանում»: Մի խոսքով, Ծառուկյանը պայքարում է ավտորիտար ռեժիմի դեմ:

«Այո, բայց ոչ միայն, բա տնտեսական քաղաքականությո՞ւնը»: Այսինքն՝ դուք եւ Ծառուկյանը գտնում եք, որ Սերժ Սարգսյանն ավտորիտա՞ր ղեկավար է: «Մի րոպե… ավտորիտարիզմ կա, անշուշտ, Հայաստանում, բայց խոսքը վերաբերում է այն դերակատարմանը, որ կա հասարակական-քաղաքական դաշտում, եթե այնտեղ մենք ուզում ենք փոփոխություն, իսկ մենք ուզում ենք, ապա համեմատությունն Իվանիշվիլու եւ Ծառուկյանի միջեւ տեղին է»:

Շարունակությունը` «Հրապարակ» օրաթերթի այսօրվա համարում: