«Հրապարակ». Կկայանա՞ Սերժ Սարգսյան-Իլհամ Ալիև հանդիպումը

Կկայանա՞ մարտի 24-25-ին Սերժ Սարգսյան-Իլհամ Ալիեւ հանդիպումը Հաագայում, ինչպես «թվիթ» է արել իր էջում ԵԱՀԿ ՄԽ համանախագահ Ուորլիքը, թե՞ ԵԱՀԿ ՄԽ-ն կբավարարվի 2 երկրների ԱԳ նախարարների հանդիպմամբ' հարցին ՀՀ ԱԳՆ-ին մոտ կանգնած մեր աղբյուրն ասաց, որ այս պահին խիստ անորոշ է հանդիպման հեռանկարը. հայկական կողմը միշտ պատրաստակամ է արձագանքել նման հանդիպումներին, այս մեկին' նույնպես: Նկատենք, որ ադրբեջանական մամուլը երեկ չէր հաստատել հանդիպման փաստը:

Բանն այն է, որ հերթապահ այդ հանդիպումները, ճիշտ է, որեւէ առաջխաղացում չեն գրանցում խնդրի կարգավորման հարցում, սակայն խնդրին անդրադարձը առաջին հերթին զինադադարի պահպանման եւ իրավիճակը վերահսկելի դարձնելու տեսանկյունից է դրական: Եվ, այնուհանդերձ, ադրբեջանական կողմը բավական անհանգիստ է Ռուսաստանի առնչությամբ եւ վախենում է, որ ղարաբաղյան խնդրում ինչ-ինչ տեղաշարժեր կարող են լինել ի վնաս Ադրբեջանի, այդ իսկ պատճառով կրկին խոսում է բացառապես մեծ համաձայնագրի շուրջ բանակցությունների մասին: Որին ի պատասխան, հայկական կողմի դիրքորոշումն անփոփոխ է' ոչինչ համաձայնեցված չէ, եթե համաձայնեցված չէ ամեն ինչ: «Ամեն ինչը» Ղարաբաղի միջանկյալ, ապաեւ հանրաքվեով ամրագրված վիճակն է:

Շարունակությունը` «Հրապարակ» օրաթերթի այսօրվա համարում: