ՌԴ դեսպանությունը Ուկրաինայի դեսպանության աշխատակիցներին խորհուրդ է տվել չստանձնել «բուլվարային մամուլի լրագրողների» դերը

Հայաստանում Ռուսաստանի Դաշնության դեսպանությունը տարածել է հաղորդագրություն` Հայաստանում Ուկրաինայի դեսպանության աշխատակցի «Արմինֆո» լրատվական գործակալությանը տված հայտարարության վերաբերյալ:

«Մամուլում հայտնվել է հաղորդագրություն, որ Հայաստանում Ուկրաինայի դեսպանության քարտուղար Իգոր Ռոմանը հայտնել է այն մասին, որ «Հայաստանում Ռուսաստանի և Ղազախստանի դեսպանության աշխատակիցներից բացի բոլոր մյուս դեսպանությունների ներկայացուցիչները, ովքեր հավատարմագրված են Հայաստանի Հանրապետությունում, եղել են Ուկրաինայի դեսպանությունում ու արտահայտել իրենց ցավակցությունը Սգո մատյանում»: Այդ կապակցությամբ կցանկանայինք ուշադրություն հրավիրել հետևյալին: Ռուսաստանի դեսպանության ներկայացուցիչներն իսկապես չեն գնացել Ուկրաինայի դեսպանություն` ցավակցությունների մատյանում գրառում կատարելու, քանի որ այդ մասին ոչ մի տեղեկություն և համապատասպան հրավեր չեն ստացել»,- ասված է ՀՀ-ում ՌԴ դեսպանության հայտարարության մեջ, որտեղ Ուկրաինայի դեսպանության աշխատակիցներին խորհուրդ է տրվում չստանձնել «բուլվարային մամուլի լրագրողների» դերը և ստահոդ տեղեկություն չտարածել:

«Բացի այդ` Հայաստանում աշխատող արտասահմանյան դիվանագետների գործը չի խորհուրդ տալ այն երկրի իշխանությանը, որտեղ իրենք իրականացնում են իրենց առաքելությունը: Եվ վերջապես` ռուսները խորապես ցավում են 2014 թվականի փետրվարին Ուկրաինայում հակասահմանդրական հեղաշրջման բոլոր անմեղ զոհերի համար»,- ասված է հայտարարության մեջ: