Քաղաքացին բնակարանում ծխախեղդ է եղել

Ոստիկանության Նոյեմբերյանի բաժնում մարտի 23-ին' ժամը 16.30-ին, հաղորդում է ստացվել, որ Բերդավան գյուղում տուն է այրվում: Մեկնած օպերատիվ խումբը պարզել է, որ նույն օրը' ժամը 16.00-ի սահմաններում, 1929թ. ծնված Ռոզա Մուրադյանի տան ննջասենյակում վառարանից հրդեհ է բռնկվել, ինչի հետևանքով վերջինս ծխախեղդ է եղել: Արտաքին զննությամբ դիակի վրա բռնության հետքեր չեն հայտնաբերվել:

Նշանակվել է դատաբժշկական փորձաքննություն:

Կատարվում է նախաքննություն: