Կայացավ International Media Holding-ի նոր նախագծի՝ Restmall.am-ի շնորհանդեսը (լուսանկարներ)

International Media Holding-ը հանդիսանում է հայկական և վրացական մեդիադաշտի խոշորագույն ներկայացուցիչներից մեկը:

Երեկ Kami ակումբում տեղի ունեցավ հոլդինգի նոր նախագծի՝ Restmall.am կայքի շնորհանդեսը:

Ողջույնի խոսքով հանդես եկավ International Media Holding-ի տնօրեն Արամ Ալավերդյանը:

«Ողջունում եմ ձեզ International Media Holding-ի ողջ անձնակազմի անունից՝ հոլդինգի նախագահ Արման Վարդանյանի գլխավորությամբ: Հոլդինգը հանդիսանում է հայկական և վրացական մեդիադաշտի խոշորագույն ներկայացուցիչներից մեկը և արդեն իսկ ունի համակիրների մեծ բանակ:

Արման Վարդանյանի շնորհիվ հոլդինգը սրնթաց աճ է արձանագրում՝ օրեցօր բարելավելով իր ցուցանիշերը: Պարոն Վարդանյանը, ի դեպ, ծրագրել է մոտ ապագայում մեծացնել հոլդինգի աշխարհագրությունը: Նոր մասնաճյուղեր են բացվելու Ռուսաստանում, Ուկրաինայում, Ղազախստանում և մի շարք այլ երկրներում:

Մեր հոլդինգը մինչ օրս ներկայացրել են Հայաստանում և Վրաստանում մեծ ճանաչում և լսարան ունեցող մի շարք լրատվամիջոցներ, որոնք լավագույնների թվում են իրենց ոլորտում: Այսօր ձեր ուշադրությանն ենք ներկայացնելու մեր նոր նախագիծը՝ Restmall.am-ը, որն առաջինն է, որը լրատվական կայք չէ: Այն կյանքի է կոչվել՝ լրացնելու այն բացը, որն առկա է ժամանցի կազմակերպման հայաստանյան ոլորտում»,- ասաց Արամ Ալավերդյանը:

Նախագծի ղեկավար Գևորգ Ավետիսյանն իր ելույթում նշեց, որ կայքը կօգնի մարդկանց արագ և արդյունավետ կազմակերպել ժամանցը:

«Այսօր մարդիկ ցանկանում են առավել կանխատեսելի դարձնել իրենց առօրյան, դրանով իսկ խուսափելով կենցաղային խնդիրներից, որոնք կարող են առաջանալ անգամ ժամանցային վայրեր այցելելիս:

Շատ ժամանակ չենք կողմնորոշվում՝ ինչպես արագ և արդյունավետ կազմակերպել մեր ժամանցը՝ որտեղ համեղ ճաշել, ինչ միջավայրում հանգստանալ. կարծում եմ բոլորիս ծանոթ իրավիճակ է:

Նմանատիպ իրավիճակներում հայտնվելն էլ նպաստեց Restmall.am-ի ստեղծման գաղափարի ծնունդին, այնուհետև սկսվեց գաղափարը կյանքի կոչելու երկարատև և պատասխանատու գործընթացը, որին իրենց մասնակցությունն են ունեցել ոլորտի առաջատար և ճանաչված մասնագետներ»,- ասաց Գևորգ Ավետիսյանը:

Վերջինիս խոսքերով՝ Restmall.am-ն իր մեջ ընդգրկում է Հայաստանի լավագույն ժամանցային հաստատությունները, ունի ճկուն զեղչային համակարգ:

Ըստ նախագծի ղեկավարի՝ մյուս կարևոր ֆունկցիոնալ կողմն էլ առաքումն է, որը կկատարվի մաքսիմալ արագ՝ առաջատար կազմակերպությունների հետ ունեցած համաձայնագրերի շնորհիվ:

Կարևոր է նշել նաև, որ կայքի կառուցվածքը պարզեցված է:

Այսպիսով, Restmall.am-ը շրջադարձային նշանակություն կունենա սեփական ժամանցը հիանալի կերպով կազմակերպել ցանկացող յուրաքանչյուր մարդու համար:

Իսկ ամենահամեղ տորթի համար շնորհակալություն ենք հայտնում BUONO իտալական ռեստորանին