«Գվարդիոլան երբեք համարձակություն չի ունեցել երեսիս ասելու այն, ինչ մտածում է». Էտո

Լոնդոնի «Չելսիի» ֆուտբոլիստ Սամուել Էտոն անդրադարձել է իր նախկին մարզիչ Խոսեպ Գվարդիոլային.

«Գվարդիոլան երբեք մեծագույն խաղացող չի եղել: Նա պարզապես լավ ֆուտբոլիստ էր: Ես ասել եմ նրան այդ մասին: Նրանք ցանկանում էին ինձ ուղարկել Ուզբեկստան: Սակայն ես մնացի թիմում և ասացի Գվարդիոլային, որ ապագայում նա ստիպված կլինի սրա համար ներողություն խնդրել: Գվարդիոլան երբեք համարձակություն չի ունեցել երեսիս ասելու այն, ինչ իմ մասին մտածում է: Նա ամեն ինչ անում էր ֆուտբոլիստների միջոցով: Չավին ասաց, որ իրենք ցանկանում են՝ ես մնամ թիմում, սակայն դրա համար պետք է համոզեմ Գվարդիոլային: Ես ասացի, որ նման բան երբեք չի լինի. եթե նա ինձ չի հարգում, ապա ես նրան նույնպես չեմ հարգում: Հետո երբ ես արդեն խաղում էի  «Ինտերում», Գվարդիոլան սեղմեց իմ ձեռքը, սակայն դա արվեց տեսախցիկների և հեռուստաընկերությունների համար: Խաղից առաջ նա նույնիսկ չողջունեց ինձ»,- Էտոյի խոսքերը մեջբերում է Goal.com-ը: