Էական չէ Արամի հաղթանակը, ուզում եմ, որ նա` որպես Արամ MP3, հաջողություն ունենա. Զարուհի Բաբայան

«Եվրատեսիլ 2014»-ին Հայաստանը կներկայացնի Արամ MP3-ը` «Not Alone» երգով:

Երգը սիրվեց երկրպագուների կողմից` ընդամենը մեկ շաբաթում ունենալով ավելի քան 1,000.000 դիտում: Միջազգային մամուլը չի դադարում Արամի հաջողություններին արձագանքելուց, իսկ բուքմեյքերները հավատում են նրա հաղթանակին:

Լուրեր.com-ը զրուցեց երգչուհի Զարուհի Բաբայանի հետ, ով նշեց, որ շատ է հավանել երգը:

«Ես անձամբ երգը շատ եմ հավանել եմ, այն չեմ քննարկում` որպես եվրատեսիլյան երգ, ես այն ընկալում եմ` որպես լավ երգ: Կունենա՞ երգը «Եվրատեսիլում» հաջողություն, թե՞ ոչ` չեմ կարող ասել, որովհետև բոլորս էլ արդեն հասկացել ենք, որ մրցույթն անկանխատեսելի է:

Սիրուն և լավ երգ է ստացվել, մաղթում եմ հաղթանակ»,-ասաց Զարուհին` նշելով, որ իր համար այդքան էական չէ Արամի հաղթանակը, որքան այն, որ Արամը սիրվի Եվրոպայում:

««Եվրատեսիլը» երգչի առջև նոր դռներ բացելու ուղի է, ուզում եմ, որ նա` որպես Արամ MP3, հաջողություն ունենա, սիրվի եվրոպացի հանդիսատեսի կողմից:

Բնական է` բոլորս սպասում և ակնկալում ենք հաղթանակ, բայց եթե նույնիսկ հաղթանակ չլինի, ես կուզեմ, որ ինքը պարզապես շատ սիրվի ու իր ելույթը հաջողվի, դա լինի իր առաջին, բայց ոչ վերջին այցը Եվրոպա»,- եզրափակեց երգչուհին: