Հովիկ Աբրահամյանի շնորհավորական ուղերձ է հղել Թատրոնի միջազգային օրվա առթիվ
Հասարակություն
ՀՀ Ազգային ժողովի նախագահ Հովիկ Աբրահամյանը շնորհավորական ուղերձ է հղել Թատրոնի միջազգային օրվա կապակցությամբ: Ուղերձում ասված է.
«Ջերմորեն շնորհավորում եմ թատերարվեստի ներկայացուցիչներին Թատրոնի միջազգային օրվա առթիվ:
Այսօրվա արվեստը չեմ պատկերացնում առանց մարդկության պատմության մեջ վաղնջական ժամանակներից հիշատակվող թատերարվեստի: Որպես արվեստի հնագույն և դասական տեսակ՝ թատրոնն իր անգնահատելի դերն ունի սերունդների աշխարհայացքի ձևավորման, հոգևոր հարստացման և մնայուն արժեքների պահպանման գործում: Հպարտ եմ, որ հայ թատրոնն այս առումով իր ուրույն տեղն է զբաղեցնում համաշխարհային թատրոնի պատմության մեջ:
Այսօր մեր թատրոնում աշխատում են մարդիկ, ովքեր իրենց նվիրվածությամբ և ջանասիրությամբ բարձր են պահում հայ թատերարվեստի հեղինակությունը: Այդ նվիրյալների շնորհիվ է, որ մենք հայտնվում ենք այն կախարդական ու խորհրդավոր աշխարհում, որը ծնունդ է առնում թատրոնում:
Ի սրտե շնորհավորում եմ թատերարվեստի բոլոր ներկայացուցիչներին՝ մաղթելով առողջություն ու ստեղծագործական նոր ձեռքբերումներ և դրանք իրականացնելու անսպառ եռանդ»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
