Կոչ է արվում պատասխանատվության կանչել Թուրքիայի կառավարությանը

ՀՅԴ Բյուրոյի Հայ դատի կենտրոնական խորհուրդը մարտի 26-ին նամակներ է հղել ֆրանսիական խորհրդարանի բոլոր անդամներին և սենատորներին' դիմել Ֆրանիսայի արտաքի գործերի նախարարությանը, որպեսզի վերջինս միջամտի Քեսաբում տեղի ունեցող իրադարձություններին' խաղաղ բնակչությանը պաշտպանելու համար: Հայ դատը պահանջում է, որպեսզի Ֆրանսիայի ԱԳ նախարարությունը թուրքական իշխանություններին ստիպի անհապաղ վերջ տալ Քեսաբի խաղաղ բնակչության դեմ իրականացվող ռազմական գործողություններին, և սիրիական ապստամբներին' տարածաշրջանից անհապաղ դուրս հանել ջիհադական զորքերը: «Մենք կցանականայինք ձեր ուշադրությունը հրավիրել ներկայումս սիրիական Քեսաբ ավանում տեղի ունեցող լուրջ իրադարձությունների վրա: Մարտի 22-ից սկսած, երբ ալ-Նուսրա ճակատի ջիհադական խմբերը, ստանալով Թուրքիայի անմիջական աջ ակցությունը, Թուրքիայի կողմից հարձակվել են այս գյուղաքաղաքի վրա, որի բնակչության 90 տոկոսը հայեր են: Սիրիայի հյուսիսում տեղակայված այս ավանը տուն է տարածաշրջանի վերջին հայկական համայնքներից մեկի համար»,- ասվում է ֆրանսիացի օրենսդիրներին ուղղված նամակում:

Կոչ է արվում պատասխանատվության կանչել Թուրքիայի կառավարությանը և վարչապետ Ռեջեփ Թայիփ Էրդողանին, ովքեր պաստախանատու են այս բռնությունների համար, որոնք ոչ ավելի, ոչ պակաս էթնիկ զտումներ են` միտված վերացնելու հայկական և քրիստոնեական ներկայությունը Սիրիայում:

Հայկական հարցի պաշտպաններն նկատում են, որ հարձակումները պատահական չեն և հատուկ ենթատեքստ են կրում, քանզի աշխարհը պարտրաստվում է ոգեկոչել 1915 թվականի Հայոց ցեղասպանության հարյուրամյա տարելիցը: