«Հրապարակ». Սպասվում է հերթական էլիտար հարսանիքը

Առաջիկայում սպասվում է հերթական էլիտար հարսանիքը. ԲՀԿ-ական պատգամավոր, ԱԱ, ՆԳ, պաշտպանության մշտական հանձնաժողովի փոխնախագահ Աբրահամ Մանուկյանի կրտսեր որդին ամուսնանալու է գեներալ Ներսիկ Նազարյանի դստեր հետ: Չնայած որոշվել էր, որ հարսանիքը տեղի է ունենալու ապրիլի 25-ին' շաբաթ օրը, բայց քանի որ այդ օրը հաջորդում է ապրիլի 24-ին, որոշել են պսակադրությունն անել հաջորդող շաբաթվա օրերին, ըստ ամենայնի' ապրիլի 27-ին: Հարսանյաց վայրի ընտրությունը' «Ֆլորենս», թե «Փարավոն», թողնվել է նորապսակների որոշմանը. չեն ուզում Ծառուկյանին շատ նեղություն տալ: Ներկա կլինեն մոտ 800 հոգի: Սերժ Սարգսյանն է՞լ է հրավիրվելու՝ հարցրինք: «Անպայմա՛ն»: Հիշեցնենք, որ հաջորդող օրն էլ' ապրիլի 28-ին, «բուռն» ընդդիմադիր ԲՀԿ-ն իշխանությունների, առավել ստույգ՝ կառավարության հրաժարականի «հայցով» է հանդես գալու խորհրդարանում:

Շարունակությունը` «Հրապարակ» օրաթերթի այսօրվա համարում: