«Հրապարակ». ԲՀԿ-ական գյուղապետը թքած ունի օրենքի վրա

«Շահումով խաղերի եւ խաղատների մասին» օրենքում հայտնի փոփոխությունից հետո էլ չի փակվել Արարատի մարզի Խարբերդ գյուղի «222» խաղատունը, որը պատկանում է գյուղի ԲՀԿ-ական գյուղապետ Կամո Կակոյանին, բայց որը չի համապատասխանում օրենքի պահանջներին: Հիշեցնենք. ըստ օրենքում կատարված փոփոխության, 2014թ. հունվարի 1-ից Երեւանում եւ հարակից տարածքներում կարող են գործել բացառապես 100 մլն դոլարից ավելի ներդրում ունեցող խաղատները, իսկ Խարբերդինը շատ հեռու է այս չափանիշներից:

Նշենք, որ դեռեւս միայն Գագիկ Ծառուկյանին պատկանող «Շանգրի լա»-ն է համապատասխանում այդ չափանիշներին, փաստորեն, ԲՀԿ-ական գյուղապետը ոչ միայն թքած ունի օրենքի վրա, այլեւ իշխանությունների լուռ համաձայնությամբ իր կուսակցապետի մենաշնորհային բիզնեսին է «խփում»: Գյուղապետը գյուղում հարկ եղած դեպքում արդարանում է, թե ինչի՞ «խաղամոլներն» ուրիշներին հարստացնեն՝ թող համայնքապետին հարստացնեն:

Շարունակությունը` «Հրապարակ» օրաթերթի այսօրվա համարում: