«Հրապարակ». Ուկրաինական ԱԳՆ-ում տարակուսած են

Թերթի տեղեկություններով, ՄԱԿ-ում Հայաստանի «դեմ» քվեարկությունն անակնկալ է եղել նաեւ Ուկրաինայում ՀՀ դեսպան Անդրանիկ Մանուկյանի համար. քվեարկության նախօրյակին Երեւանից զանգահարել են նրան, ասել, որ չեզոք ենք քվեարկելու, ու կարող է այս «ավետիսը» փոխանցել ուկրաինական կողմին, որը Հայաստանում իր դեսպան Կուխտային ժամանակավոր հետ էր կանչել՝ տեսնելու, թե ինչպես է քվեարկելու Հայաստանը ՄԱԿ-ում: Ավելին, լուրի «փոխանցումից» հետո` քվեարկության օրը, ուկրաինական ԱԳՆ-ն տեղեկություն տարածեց, որ մեկ շաբաթվա ընթացքում դեսպանը կվերադառնա Երեւան՝ «անկախ Հայաստանի քվեարկությունից»:

Թերթի տեղեկություններով, սակայն, ուկրաինական ԱԳՆ-ում տարակուսած են, եւ արդեն որոշում կա, որ պարոն Կուխտան չի վերադառնա: Ինչ վերաբերում է Հայաստանի դիրքորոշման փոփոխությանն ու Ռուսաստանի կողմից կիրառված ճնշումներին, ապա այն առաջին հերթին առնչվել է ղարաբաղյան խնդրին:

Շարունակությունը` «Հրապարակ» օրաթերթի այսօրվա համարում: