Գործընկերները` International Media Holding-ի նոր նախագծի՝ Restmall.am-ի մասին (լուսանկար, տեսանյութ)

Օրեր առաջ տեղի ունեցավ International Media Holding-ի նոր նախագծի՝ Restmall.am կայքի շնորհանդեսը, որին ներկա էին Երևանում գործող ժամանցային համալիրների ղեկավարներն ու ներկայացուցիչները: Նախագծի մասին միջոցառման ընթացքում հնչեցին բազմաթիվ կարծիքներ, առաջարկություններ և մաղթանքներ:

Մասնավորապես, շնորհանդեսին ելույթով հանդես եկան մեր գործընկներներից՝ BOUNO իտալական ռեստորանային համալիրի տնօրեն Թելման Ղազանչյանը:Նա իր խոսքում, կարևորելով Restmall.am-BOUNO համագործակցությունը, հանդես եկավ շնորհակալական խոսքով և նշեց. «Առաջին հերթին ես շնորհավորում եմ Restmall-ին նմանատիպ հետաքրքիր կայք ստեղծելու համար: Ես ինքս համագործակցելու եմ Restmall-ի հետ և հույս ունեմ` մեր համագործակցությունը երկար ընթացք կունենա»:

Նախագծի վերաբերյալ իր տեսակետը հայտնեց նաև Kami ակումբի գլխավոր մենեջեր Հասմիկ Հարությունյանը, ով ևս կարևորեց Restmall-ի հետ համագործակցությունը:

«Նախ ուզում եմ շնորհակալություն հայտնել Restmall կայքին, որովհետև շատ մեծ հնարավորություն է ընձեռում բոլոր գործարարներին, ժամանցային համալիրներին` իրենց գովազդը ներկայացնելու կայքի միջոցով: Օրինակ, մեր մշտական հաճախորդները, ինչու չէ, նաև այն մարդիկ, ովքեր դեռ չեն եղել մեր ակումբում, կարող են հեշտությամբ ծանոթանալ մեր համալիրի թե՛ ինտերիերին, և թե՛ ճաշացանկին, ինչպես նաև տեղեկանալ` ինչ միջոցառումներ են տեղի ունենալու այդ օրը մեզ մոտ: Այս ամենին զուգահեռ կցանկանայի նշել կայքի պարզության և հարմարավետության փաստը, որը հնարավորություն է տալիս ինչպես նորեկ, այնպես էլ մեր մշտական հաճախորդներին առանց տնից դուրս գալու` կազմել ճաշացանկը, ամրագրել սեղաններ»:

: