Հրդեհ է բռնկվել չգործող գործարանում. դեպքի վայր է մեկնել չորս մարտական հաշվարկ

Մարտի 30-ին, ժամը 14.18-ին ահազանգ է ստացվել, որ հրդեհ է բռնկվել Երևանի Միկոյան փողոցի թիվ 15 շենքի (գրասենյակային շենք) 4-րդ հարկում:

Դեպքի վայր է մեկնել չորս մարտական հաշվարկ, մեկ ավտոսանդուղք և ԱԻ ԱԽ-ն:

Պարզվել է, որ այրվում է Միկոյան փողոցի թիվ 15 հասցեում գտնվող Կոննեկտ ԲԲԸ-ի չգործող վարչական շենքի 4-րդ հարկում գտվող 2 սենյակները` գույքով (50 քմ), 5-րդ հարկում գտնվող 4 սեն-յակների (100 քմ) պատուհանները, օդափոխիչ համակարգերը և ջերմահարվել է գույքը (մոտ 40 քմ):

Հրդեհը մեկուսացվել է ժամը 15.24-ին, մարվել' 15.38-ին: