Հանրապետության ողջ տարածքում վերականգնվել է էներգամատակարարումը

Հանրապետության ամբողջ տարածքում մարտի 31-ին' ժամը 14:30-ի դրությամբ, վերականգնվել է էներգամատակարարումը։ Ինչպես  տեղեկացնում են ՀՀ էներգետիկայի և բնական պաշարների նախարարությունից, մասնագետների շուրջօրյա աշխատանքի շնորհիվ սոցիալական օբյեկտների ու բնակավայրերի էներգամատակարարումը վերականգնվել է հնարավորինս սեղմ ժամանակահատվածում։

Մարտի 30-ին հանրապետությունում տեղացած առատ ձյան ու քամու պատճառով մարզերում՝ հատկապես Գեղարքունիքում, Տավուշում, Կոտայքում, Արագածոտնում, Վայոց Ձորում ու Արմավիրում հոսանքազրկվել էին 230 բնակավայրեր։