«Միութենական պետությունն ինտեգրացման հիմքն է հետխորհրդային տարածքում». Լուկաշենկո
Արտաքին Քաղաքական
Ինչպես հայտնում է itar-tass-ը, Բելառուսա-ռուսական հարաբերություններն անցել են ժամանակի քննությունը, և այժմ Միութենական պետությունը միավորիչ գործընթացների օրինակ և հիմք է հետխորհրդային տարածքում:
Այս մասին ասված է Բելառուսի և Ռուսաստանի ժողովուրդների միավորման օրվա առթիվ, որը նշվում է ապրիլի 2-ին, Բելառուսի նախագահ, Միութենական պետության Բարձրագույն պետխորհրդի նախագահ Ալեքսանդր Լուկաշենկոյի շնորհավ որական խոսքում:
«Այսօրվա ոչ դյուրին իրողությունները մեր առջև դնում են հետագա ինտեգրացման ընդգրկուն խնդիրներ: Եվ մեր նպատակն է անել ամեն ինչ, որպեսզի Միութենական պետությունը, Մաքսային միությունը, Միասնական տնտեսական տարածությունը, իսկ հեռանկարում նաև Եվրասիական տնտեսական միությունը ոչ թե կրկնորդեն, այլ լրացնեն միմյանց՝ իրապես և տեսանելիորեն կյանքում մարմնավորելով համակողմանի համագործակցության տարբեր ձևերի առավելությունները»,- նշված է շնորհավորական խոսքում, որը տարածել է նախագահի մամուլի ծառայությունը:
Նա հիշեցրել է, որ այս տարի լրանում է Միութենական պետության ստեղծման պայմանագրի ստորագրման օրվա 15 տարին: «Բելառուսա-ռուսական հարաբերություններն անցել են ժամանակի քննությունը, ստուգումը պատմության վճռորոշ շրջադարձերում»,- ասել է Լուկաշենկոն:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
