«ՀԺ». Հայկական տուֆը շուտով կարող է թանկանալ
Հայկական Մամուլ
Հայկական տուֆը շուտով կարող է թանկանալ: Այս մասին հայտնում են մեր իրազեկ աղբյուրները: Փոքր քարհանքերի սեփականատերերն իրար մեջ քննարկում են տուֆը թանկացնելու հարցը՝ չդիմանալով հարկային մարմինների ճնշմանը: Նրանք պնդում են, որ չեն դիմանում ապօրինի հարկային բեռին, եւ որ պետական տարբեր մարմիններ իրենցից ստվերային հարկեր են գանձում:
Ասում են, որ հարկայինի աշխատակիցները նույն կերպ են վարվում քարհանքերում օգտագործվող հաստոցները պահեստամասերով ապահովող առեւտրականների հետ: Վերջիններս իրենց հերթին թանկացրել են պահեստամասերի գինը, ինչը նույնպես որոշիչ գործոն է լինելու տուֆի հնարավոր թանկացման հարցում: Երրորդ գործոնը, որ ստիպում է տուֆի հանքաքարի մշակմամբ զբաղվող ձեռնարկատերերին թանկացնել քարը, հոսանքի վերջին թանկացումն է:
Թերթի աղբյուրների պնդմամբ, հարկայինը տեռոր իրականացնելու էնպիսի հմտություններ է զարգացրել, որ որոշ փոքր հանքեր ժամանակ առ ժամանակ 1-2 ամսով դադարեցնում են իրենց գործունեությունը՝ չկարողանալով փակել ոչ ծախսերը, ոչ էլ հարկայինի աշխատակիցների բերանը։ Տուֆը Հայաստանում ամենաէժան շինանյութն է համարվում: Արմավիրի տուֆի 1 միավորի գինը սկսվում է 150 դրամից, իսկ ամենաթանկը Արթիկի տուֆն է, որի գինը հասնում է մինչեւ 350 դրամի»:
Շարունակությունը` «Հայկական Ժամանակ»-ի համարում:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
