«Հրապարակ». Սերժ Սարգսյանը պահի թելադրանքով որոշում է կայացրել. իշխանությունը կորցնելու վտանգը մեծանում է

Մի կողմից ցնծություն ու շնորհավորանքներ, մյուս կողմից՝ նախազգուշացումներ, թե մի շտապեք, սա թակարդ է, հանրության զգոնությունը բթացնելուն ուղղված որոշում, որի նպատակն է ժամանակ շահել, ապա մի քանի ամիս անց նույնը, գուցե ավելի նենգ տարբերակով անցկացնել: Ինչպես ասում են՝ աչքը տեսածից է վախենում: Իսկ մենք այս տարիներին շատ բան ենք տեսել՝ էլ խաբեություն ու կեղծիք, էլ մութ գործարքներ ու դավաճանություն: Այնպես, որ կորցրել ենք զարմանալու ունակությունը:

Սակայն պետք է արձանագրենք, որ Սահմանադրական դատարանի երեկվա որոշումը շատերի համար էր անսպասելի: Մինչ հասարակությունը փորձում է վերլուծել, մարսել ու հասկանալ կատարվածը, տարբեր վարկածներ են առաջ քաշվում: Կա տեսակետ, որ սա գործող կառավարության եւ վարչապետի դեմ է ուղղված, եւ սրանով նրանց փոփոխությունն է նախապատրաստվում: Մեկ այլ վարկածով՝ ճիշտ հակառակը. սրանով կառավարության դիրքերն ամրապնդելու եւ հասարակական դժգոհությունը մարելու փորձ է արվում: Թեեւ գրեթե բոլորը խորքային ու հեռուն գնացող հետեւություններ են անում, անձամբ ես հակված եմ կարծել, որ այս որոշման հետեւում պետք չէ կուռ տրամաբանություն կամ մեկքայլանոց կոմբինացիաներ տեսնել:

Շատ հնարավոր է, որ այն անսպասելի էր անգամ իր՝ իշխանության համար: Ոչ թե այն առումով, որ Գագիկ Հարությունյանը մի օրում առյուծի սիրտ է կերել եւ որոշել հավատարիմ մնալ օրենքի տառին, այլ Սերժ Սարգսյանն է պահի թելադրանքով որոշում կայացրել: Այսպես ասած, էքսպերիմենտի նման մի բան՝ «տեսնենք, թե սրանից ինչ դուրս կգա» բանաձեւով: Հնարավոր է, որ երկրի արտաքին քաղաքական վիճակն այնքան բարդ է, որ հիմա ներսում առավելագույն խաղաղ վիճակ է պետք իշխանությանը: Հակառակ դեպքում իշխանությունը կորցնելու վտանգն է մեծանում:

Շարունակությունը` «Հրապարակ» օրաթերթի այսօրվա համարում: