«Հրապարակ». Մարդիկ չէին հավատում, որ Տիգրան Սարգսյանը կամովին հրաժարական կտա

«Հրապարակ»-ը գրում է, որ մոտ 10 օր առաջ իրենց կայքում տեղադրված հարցումը կառուցել էին՝ «Ի՞նչ շարունակություն կունենա կառավարությանն անվստահություն հայտնելու ընդդիմության նախաձեռնությունը», եւ առաջարկել էինք ընտրել չորս պատասխաններից մեկը: 4

1. Ազգային ժողովում կխոսեն, կքննարկեն ու կմոռանան:

2. Սերժ Սարգսյանը թույլ չի տա, որ իրավիճակը շիկանա եւ ինքը փոփոխություններ կանի կառավարության կազմում:

3. Տիգրան Սարգսյանն ու իր թիմը կամովին հրաժարական կտան ու կհեռանան:

4. Ոչ իշխանությունը, ոչ ընդդիմությունը չի զիջի, եւ, ի վերջո, ժողովուրդը դուրս կգա փողոց, ու հարցը կլուծվի հեղափոխության ճանապարհով:

10 օրվա ընթացքում քվեարկության արդյունքներն այսպիսին էին 1 – 237 մարդ կամ 41.73%, 2 – 105 մարդ կամ հարցվողների 18,49%-ը, 3 – 36 մարդ կամ 6.34%, 4 – 190 մարդ կամ 33.45%:

Ինչպես տեսնում եք, մարդիկ ամենից թերահավատը 3-րդ տարբերակի նկատմամբ էին՝ թերեւս ոչ ոք չէր հավատում, որ Տիգրան Սարգսյանի թիմը կամովին հրաժարական կտա ու կհեռանա, ինչպես չէին հավատում, որ Սերժ Սարգսյանը փոփոխություններ կանի: Բայց, ինչպես տեսնում ենք, կյանքը լի է անակնկալներով: Առավոտյան լուրջ տեսքով կառավարության նիստ անող վարչապետը, որն ակնհայտորեն տրամադրված չէր մի քանի ժամ անց հեռանալ իր պաշտոնից, երեկոյան արդեն հրաժեշտի խոսքեր էր գրում Ֆեյսբուքում, եւ երկրի լրատվականները հաղորդում էին, որ ՀՀԿ գործադիր մարմնի նիստում ընդունվել է նրա հրաժարականը: Դժվար է ասել, թե այս պահին ինչը դեր խաղաց. մոտալուտ «բարիկադների» վտա՞նգը, Սահմանադրական դատարանի որոշումից հանրության ուշադրությունը շեղելու միտո՞ւմը, թե՞ երկրի տնտեսության սրընթաց վայրէջքը: Ամեն դեպքում, Տիգրան Սարգսյանի հեռացումը, որն այնքան տեւական ժամանակ երազում էին ոմանք, արդեն իրողություն է:

Շարունակությունը` «Հրապարակ» օրաթերթի այսօրվա համարում: