Այսօր Էլիզաբեթ Թեյլորի ծննդյան օրն է

1932-ի փետրվարի 27-ին Լոնդոնում ծնվել է հոլիվուդյան մեծագույն դերասանուհի Էլիզաբեթ Թեյլորը:

Նա համարվում է Հոլիվուդի Ոսկե դարի մեծագույն դերասանուհիներից մեկը։ Ամերիկյան կինոակադեմիան իր կողմից հրապարակած ամերիկյան՝ բոլոր ժամանակներում նկարահանված ֆիլմերի 100 մեծագույն աստղերի ցանկում նրան ընդգրկել է 7-րդ հորիզոնականում:

Էլիզաբեթ Թեյլորը նկարահանվել է ավելի քան 60 ֆիլմում: Նա առավել հայտնի է 1963-ին նկարահանված «Կլեոպատրա» ֆիլմում կատարած գլխավոր դերի շնորհիվ: Այդ նույն ֆիլմում Մարկոս Անտոնիոսի դերը մարմնավորել է Ռիչարդ Բարթոնը' Թեյլորի ութ ամուսիններից մեկը: 

Նա երկու անգամ արժանացել է «Օսկար» մրցանակի' 1961-ին «Բաթերֆիլդ 8» ֆիլմում կատարած դերի և 1967-ին «Ո՞վ է վախենում Վիրջինիա Վուլֆից» ֆիլմերի համար։

Ամերիկյան կինոակադեմիան 1992-ին Էլիզաբեթ Թեյլորին է շնորհել «Ջին Հերհոլթի մարդասիրական մրցանակը»' կինոարվեստին ծառայելու և բարեգործական նախաձեռնություններին մասնակցելու համար։

Էլիզաբեթ Թեյլորը մահացել է 79 տարեկան հասակում՝ սրտային անբավարարությունից։