«Հրապարակ». «Օրեր առաջ հանդիպում է եղել Սարգսյան-Քոչարյան ֆորմատով»

Որոշ աղբյուրներ պնդում են, որ Տիգրան Սարգսյանը դեռ նախորդ դեկտեմբերին է ցանկացել հրաժարական տալ, պատճառաբանելով հոգնածությունը, սակայն նրան ասվել է՝ Մաքսային միության ճանապարհային քարտեզը դու ես սկսել, հիմա չի կարելի հրաժարական տալ: Նույն աղբյուրները պնդում են, որ այդ գործընթացի ավարտ է դիտվել օրերս «Մարիոթում» կազմակերպված ՀՀԿ տնտեսական ֆորումը: Իսպանիայի նախկին վարչապետի թաղման արարողությանը մասնակցելուց հետո Հայաստան վերադարձած Տ. Սարգսյանին ասվել է՝ կարող ես հեռանալ: 

«Ով լինելու» հարցը քննարկվել է, սակայն վերջնական որոշում չի կայացվել: Երեկ արդեն Սերժ Սարգսյանն սկսել էր կոնսուլտացիաները քաղաքական ուժերի հետ. ժամը 13:30-ին նրա մոտ է եղել Գագիկ Ծառուկյանը, ժ. 16-ին` Հովիկ Աբրահամյանը, 5-ին' Արթուր Բաղդասարյանը, որից հետո' Բորդյուժան, որը Հայաստան է ժամանել մի քանի ժամով եւ երեկ էլ մեկնել: Ի դեպ, որոշները պնդում են նաեւ, որ օրեր առաջ հանդիպում է եղել նաեւ Սարգսյան-Քոչարյան ֆորմատով, ինչը, սակայն, մեզ չհաջողվեց ճշտել:

Շարունակությունը` «Հրապարակ» օրաթերթի այսօրվա համարում: