«168 ժամ». Տիգրան Սարգսյանը մեծագույն լավություն արեց նրանց

«Հայաստանի ամենաերկարակյաց վարչապետներից մեկը՝ Տիգրան Սարգսյանը, հրաժարական ներկայացրեց, կամ նրա պաշտոնանկությունը ներկայացվեց՝ որպես հրաժարական:

Երկու օր է՝ քաղաքական կուլիսներում ու հրապարակային հարթակներում բոլորը քննարկում են ապագա հնարավոր վարչապետին ու Կառավարության կազմը:

Տիգրան Սարգսյանի քննադատությամբ իշխանական կուսակցությունից այլընտրանք դարձած ԲՀԿ-ն արդեն քննարկում է նախարարների անուն-ազգանունները, նույն գործին են լծված նաև դաշնակցականներն ու նրանց դաշնակից «Ժառանգության» անդամները, ՀԱԿ-ում հաշվարկում են իշխանության ամբողջական ռուսականացումից հետո իշխանության նկատմամբ ռուսական «մահակի» դերում հայտնվելու դիվիդենտները:

Այսինքն՝ Տիգրան Սարգսյանը մեծագույն լավություն արեց նրանց, ում դեմ իբրև թե պայքարում էր՝ Հայաստանը եվրոպական ընտանիքում տեսնելու համար, հետո ում ճնշմամբ ստիպված եղավ եվրոտեսլականը փոխարինել մաքսային «պերսպեկտիվայով»:

Տիգրան Սարգսյանն, իհարկե, լավություն արեց նաև Սերժ Սարգսյանին՝ տարիներ շարունակ գիտակցված կամ պարտադրված իր վրա կրելով հանրային դժգոհության ողջ չափաբաժինը, թեև անձամբ գործուն մասնակցություն էր ունեցել դժգոհության առիթ հանդիսացած գրեթե բոլոր երևույթներում, ու սա այն պարագան չէ, որ նրան կարելի է համարել «քավության նոխազ»:

Բայց Տիգրան Սարգսյանի ամենամեծ ծառայությունը, թերևս, իր հրաժարականով Հայաստանի քաղաքական համակարգի դիմակազերծումն է:

Շարունակությունը՝ «168 ժամ»-ի այսօրվա համարում: