Շումախերը սկսել է արթնանալ
Սպորտ
Լեգենդար գերմանացի ավտոարշավորդ, «Ֆորմուլա 1» ավատոարշավի յոթակի հաղթող Միխայել Շումախերը, երկարատև ժամանակ արհեստական կոմայի վիճակում գտնվելուց հետո, սկսել է արթնանալ:
Ինչպես տեղեկացնում է bbc.com կայքը, այս մասին հայտարարել է Շումախերի մենեջեր Սաբինա Քեմը:
«Մենք շատ շնորհակալ ենք Շումախերի նկատմամբ ուշադրություն ցուցաբերած բոլոր մարդկանց, մարզիկի հասցեին ուղղված նրանց բարի խոսքերի համար, բայց իրավունք չունենք խոսել նրա վիճակի մասին, քանի որ չենք ցանկանում վնաս հասցնել Շումախերի մասնավոր կյանքին, նրա առողջությանը»,-ասել է Քեմը:
Շումախերը 2013 թվականի դեկտեմբերին գլխի ծանր վնասվածք էր ստացել Ֆրանսիայի Մարիբել լեռնադահուկային հանգստավայրում սահելիս: Արդեն իսկ հիվանդանոց հասցնելուց հետո նրան արհեստական կոմայի վիճակի են բերել, որում մարզիկը գտնվում էր առ այսօր:
Շումախերի բժիշկները սկսել են խոսել նրա բուժման գործընթացում գրանցված դրական փոփոխությունների մասին:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
