Անուններ հնչեցվում են կամ չիմացությունից ելնելով, կամ էլ հասարակության արձագանքը ստուգելու նպատակով. քաղաքագետը` նոր վարչապետի մասին
Քաղաքական
ՀՀ նախկին վարչապետ Տիգրան Սարգսյանի հրաժարականը սպասելի էր քաղաքագետ Ալեքսանդր Իսկանդարյանի համար։ Նա ապրիլի 7-ին լրագրողների հետ հանդիպմանը նշեց, որ նախկին վարչապետի հրաժարականի անակնկալը միայն կայանում էր օրվա մեջ: «Այս ամենը բավական տրամաբանական էր: Նոր վարչապետն, իմ կարծիքով, կլինի իշխանության ներկայացուցիչներից որևէ մեկը»,- ասաց նա:
Անդրադառնալով լրատվության տարբեր միջոցներով վարչապետի հնարավոր թեկնածուների անունների մասին հնչող կարծիքներին' Իսկանդարյանն ասաց, որ մարդիկ անուններ հնչեցնում են կամ չիմացությունից ելնելով, կամ էլ հասարակության արձագանքը ստուգելու նպատակով: «Նոր վարչապետը հնարավոր է, որ լինի հնչեցվող անուններից մեկը, բայց դա, կարծում եմ, ուղղակի համընկնում կլինի»,-ասաց նա:
Քաղաքագետը նշեց այն հիմնական խնդիրները, որոնք պետք է լուծի հաջորդ կառավարությունը: «Մեր երկրի համար կարևոր են երկար և էժան փողերի խնդիրը, ներդրումային «սովը», Մաքսային միության հետ կապված խնդիրները, ինչպես նաև մեզ համար կարևոր է օլիգարխիայի և կոռուպցիայի դեմ պայքարը»,-հավելեց քաղաքագետը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
