Աստղերը` «Amfar's inspiration gala»-ի բարեգործական երեկոյին (լուսանկարներ)

«Foundation for AIDS Research» (amfAR) բարեգործական հիմնադրամն այս տարի կազմակերպել էր երկրորդ բարեգործական երեկոն` հրավիրելով սելեբրիթիին, որ ցանկություն էր հայտնել աջակցելու Բրազիլիայում ՄԻԱՎ վարակի դեմ պայքարի համար միջոցներ հավաքելու գործում: Միջոցառման պատվավոր հյուրերն էին բազմաթիվ հայտնի աստղեր, այդ թվում` Նաոմի Քեմփբելը, Քեյթ Մոսը, Շերոն Սթոունը, Ռիկարդո Տիշին և այլք: 

Երեկոյի տանտիրուհին` սուպերմոդել Նաոմի Քեմփբելը, հայտնվեց "Givenhcy"-ի սպիտակ զգեստով: Զգեստը հաջող կերպով հակադրվում էր նրա թուխ մաշկին:  

Թոփ Մոդել Քենդիս Սվեյնփոլն այս անգամ ընդգծված սեքսուալ կերպարներից գերադասել էր կանացի լուքը` "Valentino"-ի  լակոնիկ զգեստը: Նեոնադեղնավուն գույնը զգեստին ժամանակակից տեսք էր հաղորդել:  

Դերասանուհի Շերոն Սթոունի ընտրությունը կանգ էր առել "Roberto Cavalli"-ի` դասական սև գույնի խորը դեկոլտեով և մեջքի հատվածում` բացվածքով զգեստի վրա: 

Քեյթ Մոսը ստեղծել էր շատ վառ և էլեգանտ կերպար`  "Saint Laurent"-ից կարմիր, բոհեմային զգեստի շնորհիվ: Իր կերպարը նա ամբողջացրել էր ոսկեզօծ կլատչով:  

ՔԵՅԹ ՄՈՍԸ

Բրազիլուհի Իզաբել Գուկլարն իր ` մարմինն ընդգծող, փայլուն, մետալիկ գործվածքից զգեստն ընտրել էր "Emilio Pucci"-ից:  Զգեստի խորը բացվածքները շքեղ շեշտադրումներ էին ավելացնում նրա կերպարին: 

Թոփ մոդել Ֆլավիա Օլիվեյրան "amfAR"-ի կարմիր գորգին հայտնվեց ժամանակակից ամազոնուհու կերպարով. նա կրում էր վագրանման գործվածքից կարված շքեղ զգեստ "Roberto Cavalli"-ից` ազդրի վրա շատ խորը բացվածքով: 

ՖԼԱՎԻԱ ՕԼԻՎԵՅՐԱ