«Հրապարակ». Սերժ Սարգսյանը վարչապետի նշանակման գործընթացը կձգի մինչև վերջին օրը

Թերթի ՀՀԿ աղբյուրները չեն բացառում, որ Սերժ Սարգսյանն այս անգամ եւս վարչապետի նշանակումը կձգի մինչեւ սահմանադրորեն նախատեսված վերջին` տասներորդ օրը, որի նախօրյակին` շաբաթ կամ կիրակի օրը, կհրավիրի ՀՀԿ գործադիր մարմնի, շարունակությամբ` նաեւ քաղխորհրդի նիստ: Գրում է «Հրապարակ»-ը: 

Բացի ինտրիգը ձգելուց, կա նաեւ պարզ պատճառ. եթե ազգային համաձայնության կառավարություն ու վարչապետ է լինելու, ուստի նախարարական պորտֆելների քանակի շուրջ անհրաժեշտ համաձայնության խնդիրը ժամանակ կպահանջի: Այս պահին հստակ է միայն ՕԵԿ դիրքորոշումը. շաբաթ օրը հանդիպելով իր թիմի հետ, Արթուր Բաղդասարյանն ասել է, որ ՕԵԿ-ն այս պահին ոչ մի մտադրություն չունի իր նախարարություններն ու նախարարներին փոխելու՝ տեղեկացրին մեզ: Եթե վերջին պահին, ինչ-ինչ զարգացումներից ելնելով, խնդիր չդրվի բարտերային խիստ անհրաժեշտ փոփոխության: Թեեւ հայտնի է նաեւ, որ Բաղդասարյանը դժգոհ է իր նախարարների աշխատանքից:

Շարունակությունը` «Հրապարակ» օրաթերթի այսօրվա համարում: