Ռուբեն Հախվերդյանը հանդես կգա մենահամեգով

Երգահան և երգիչ Ռուբեն Հախվերդյանը երկրպագուներին կուրախացնի մենահամերգով: Նրա հին ու նոր երգերը կհնչեն ապրիլի 30-ին, «Արամ Խաչատրյան» համերգասրահում:

Վերջին շրջանում երգիչը հանդես է գալիս նաև ակումբային համերգներով:

Հախվերդյանը Հայաստանում հեղինակային երգի սկզբնավորողներից է: 1968-87թթ. աշխատել է հայկական հեռուստատեսությունում: Առաջին հեռուստաբեմադրությունը եղել է Շտոկի «Սատանայի ջրաղացը», ապա' Մետերլինկի «Սուրբ Անտոնիոսի հրաշագործությունը», Շվարցի «Վիշապը», Յանչոշեկի «Պաշտոնի բարձրացում» և այլն: Դրուցեի «Սրբություն սրբոց» պիեսը բեմադրել է Երևանի Սունդուկյանի անվան ազգային ակադեմիական, իսկ Հ.Մաթևոսյանի «Կայարան» պիեսը' Երևանի Հ.Ղափլանյանի անվան դրամատիկական թատրոններում: 1985թ. Փարիզում հեղինակ ել է առաջին ձայնասկավառակը' «Սիրո և հույսի երգեր», հետագայում' բազմաթիվ ձայնասկավառակներ: Լավագույն երգերից են' «Նավակ», «Ձյունը», «Շները», «Սա Երևանն է», «Երևանի գիշերներում» և այլն: 1996թ. ստեղծել է «Իմ տունն անիվների վրա» համերգ-ներկայացումը, ինչպես և մանկական բազմաթիվ երգեր: Իր ստեղծագործությունների լավագույն կատարողներից է: Համերգներով հանդես է եկել Ֆրանսիայում, ԱՄՆ-ում, Հարավսլավիայում, Իտալիայում, Լիբանանում և այլուր: